რუსთავი “ოქსიგენ-ფესტის“ ფარგლებში, “უსმინეს” და “არტ-გენს” მასპინძლობს

რუსთავის ცენტრალურ პარკში, 8 და 9 ივლისს, საფესტივალო სივრცე “ოქსიგენი”, “ოქსიგენ-ფესტის“ ფარგლებში, თანამედროვე მუსიკალურ ფესტივალ “უსმინეს” და “არტ - გენს” მასპინძლობს.

რუსთავის მერიის ინფორმაციით, 8 ივლისს ,,უსმინეს“ მთავარი სცენა თანამედროვე მუსიკალურ ჯგუფებსა და 2022 წლის ზაფხულის ყველაზე მოთხოვნად DJ-ებს დაეთმო.

დღეს კი "არტ გენის" ფარგლებში სცენაზე, 16:00 საათიდან, 02:00 საათამდე „33ა“, ,,გაგა ფრანი’’, REGGAEON და „სუხიშვილები“ წარდგებიან სტუმრების წინაშე.

,,ოქსიგენ-ფესტი" 25-26 ივნისს იყო დაგეგმილი, თუმცა სტიქიის გამო გადაიდო. ძლიერმა ქარმა საფესტივალო სივრცეში არსებული ინფრასტრუქტურა და მთავარი სცენა დააზიანა.

"რუსთავში არის დაპირებული "ოქსიგენ ფესტის" პირველი დღე. ჩვენ ძალიან დიდი ხანი ველოდებოდით ამ ფესტივალის ჩატარებას ჩვენს ქალაქში. პირველ დღეს იყო ელექტრონული მუსიკა, 9 ივლისს იქნება "არტ -გენი", რომელიც ვფიქრობ, რომ ყველა თაობას მოეწონება. ეს ფესტივალი ჩვენი ქალაქისთვის მნიშვნელოვანია, მე დარწმუნებული ვარ, რომ მომავალ წელს კიდევ უფრო დიდ მასშტაბებს შეიძენს",- განაცხადა რუსთავის მერმა ნინო ლაცაბიძემ ჟურნალისტებთან საუბრისას.

"ოქსიგენ ფესტის" დამფუძნებლის ლაშა ნოზაძის განცხადებით, ყველა თაობის რუსთაველის სურვილი იყო, რომ პარკის ამ ნაწილში საფესტივალო სივრცე ყოფილიყო.

"ცენტრალური პარკი ყოველთვის იყო და არის რუსთაველების და მუსიკოსების შეკრების ადგილი, ახლა კი ამ ყველაფერმა მიიღო ფორმა. ფესტივალი იქნება ყოველწლიური და მასშტაბებითაც გამორჩეული",- განაცხადა ლაშა ნოზაძემ.

მუსიკასთან ერთად “ოქსიგენი” სტუმრებს განტვირთვის სხვადასხვა სივრცეს სთავაზობს, მათ შორის: Nonstop-კინოს, კვების, სპორტული აქტივობების სივრცეებს, ლუდის, ღვინისა და კოქტეილ-ბარებს, იმართება ხელნაკეთი ნივთების გამოფენაც (STALL). ,,ოქსიგენ-ფესტი".

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება