საქართველოს სამოყვარულო ფეხბურთის ასოციაციის და საქართველოს ფეხბურთის ფედერაციის ინიციატივით, საქართველოს მასშტაბით „მოყვარულთა თასის“ 2022 წლის ჩემპიონატი მიმდინარეობს. ამის შესახებ ინფორმაციას მარნეულის მუნიციპალიტეტის მერია ავრცელებს.
მათივე ცნობით, „მოყვარულთა თასის“ 2022 ქართული ფეხბურთის განვითარების ფონდთან და საქართველოს განათლების, მეცნიერების, კულტურისა და სპორტის სამინისტროსთან თანამშრომლებით მიმდინარეობს.
„ მოყვარულთა ლიგის პირველ ეტაპზე შერჩევითი მატჩები მუნიციპალიტეტის დონეზე იმართება. 8 ივლისს, მარნეულის მუნიციპალიტეტის სოფელ წერეთელში, ფინალში თამარისისა და წერეთლის გუნდები შეხვდნენ ერთმანეთს. გამარჯვებული წერეთლის გუნდი ასპარეზობას რეგიონულ დონეზე, ქვემო ქართლის მასშტაბით გააგრძელებს.
„მოყვარულთა ლიგა“ არის ოფიციალური სამოყვარულო საფეხბურთო ჩემპიონატი, რომელიც იმართება მთელი ქვეყნის მასშტაბით და აღიარებულია ევროპული ფეხბურთის მმართველი ორგანოს UEFA-ს მიერ“,- აღნიშნულია გავრცელებულ ინფორმაციაში.