შალვა პაპუაშვილი ლექსო ლაშქარავაზე - რამდენადაც ვიცი 6 ადამიანია სწორედ ცემის ფაქტზე გასამართლებული - რაც შეეხება სიკვდილის მიზეზს, დადგენილია და ცემასთან უშუალო კავშირში არ არის

ცემის ფაქტზე 6 ადამიანია დასჯილი, სიკვდილის მიზეზი დადგენილია და ცემასთან უშუალო კავშირში არ არის, - ასე პასუხობს პარლამენტის თავმჯდომარე კითხვას, ხომ არ აქვს კითხვები გამოძიებასთან იმასთან დაკავშირებით, რომ "ტვ პირველის" ოპერატორის ლექსო ლაშქარავას გარდაცვალებიდან ერთი წლის შემდეგ, დამნაშავეები დასჯილები ჯერ კიდევ არ არიან.

პაპუაშვილი აღნიშნავს, რომ ცემის ფაქტზე ადამიანები გაასამართლეს.

"რამდენადაც ვიცი 6 ადამიანია სწორედ ცემის ფაქტზე გასამართლებული, უკვე მისჯილი აქვთ მათ, შესაბამისად, დამნაშავეები, რაც შეეხება ცემას, დასჯილები არიან.

რაც შეეხება სიკვდილის მიზეზს, ეს მიზეზიც დადგენილია და იცით, ცემასთან უშუალო კავშირში არ არის", - განაცხადა პაპუაშვილმა.