რუსთავში, 21-ე მიკრორაიონის #16 კორპუსში ხანძარი იყო. ცეცხლი მეშვიდე სართულზე საცხოვრებელ ბინაში გაჩნდა. ადგილზე მობილიზებული იყო საგანგებო სიტუაციების მართვის სამსახურის სამი ხანძარსაწინაღმდეგო ეკიპაჟი, პოლიცია და სასწრაფო დახმარების ბრიგადა.
ხანძრის გაჩენის დროს სახლში არავინ იმყოფებოდა.
წინასწარი ინფორმაციით, ხანძრის გაჩენის მიზეზი ხატების კუთხეში დანთებული სანთელი გახდა.
ხანძარი ამ დროისთვის ლიკვიდირებულია.