წყალტუბოს მუნიციპალიტეტის სოფელ ზედა მესხეთში მამამ შვილი დაჭრა. შემთხვევა გუშინ საღამოს მოხდა. არსებული ინფორმაციით, დაჭრას წინ კონფლიქტი უძღოდა.
როგორც ადგილობრივები აცხადებენ, 65 წლამდე მამაკაცს შვილთან კონფლიქტი მოუვიდა, რის შემდეგაც სანადირო თოფი დაუმიზნა, თუმცა საფანტი შემთხვევით მეორე შვილს მოხვდა. ახალგაზრდა ქალს ჭრილობა ყელის არეში აქვს მიყენებული, ის კლინიკაში გადაიყვანეს.
მეზობლების ინფორმაციით, მამაკაცი დაკავებულია.