წალენჯიხაში მორიგი საგანმანათლებლო პროექტი განხორციელდა. პარტია „ლელოს“ ინფორმაციით, „Art-festival წალენჯიხამ“ 6 დღის განმავლობაში თავი მოუყარა ხელოვანებს, სამხატვრო აკადემიის პროფესორ მასწავლებლებს და სტუდენტებს.
წალენჯიხელ და მიმდებარე რაიონებში მცხოვრებ მოზარდებს შესაძლებლობა ჰქონდათ სახვითი ხელოვნების კუთხით მიეღოთ საჭირო გაკვეთილები და ემუშავათ ცნობილ პროფესორ-მასწავლებლებთან და თანატოლებთან ერთად.
"6 დღის განმავლობაში წალენჯიხის Art-festival დამსწრე ახალგაზრდებისთვის ყველა პირობა იყო შექმნილი - სამუშაო მასალები, პედაგოგები და აკადემიური გარემო.
წალენჯიხის Art-Festival მამუკა ხაზარაძის პატრონაჟით განხორციელდა. ამ საჩუქრით შეეძლოთ ესარგებლათ წალენჯიხის მეზობელი მუნიციპალიტეტის ბავშვებს და მოზარდებს.
200-მდე ბავშვი პედაგოგების ზედამხედველობის ქვეშ სწავლობდა ხატვის ტექნიკას. პროექტი დასრულდა 16 ივლისს, წალენჯიხის სპორტ დარბაზში გამოიფინა 500-მდე ნამუშევარი. პროექტში ასევე მონაწილეობდნენ სამხატვრო აკადემიის სტუდენტები ფერწერის და სკულპტურის მიმართულებებიდან.
ექსპოზიციაზე წარმოდგენილი იყო მათ მიერ შექმნილი 6 სკულპტურა და ფერწერული ნამუშევრები, რომლებიც საჩუქრად გადაეცა წალენჯიხის თანამედროვე ხელოვნების გალერეას.
შემდეგი პროექტი საოკუპაციო გამყოფ ხაზზე, კერძოდ, ფახულანში დაიგეგმა“, - აღნიშნულია „ლელოს“ მიერ გავრცელებულ ინფორმაციაში.