რუსთავის მოსახლეობისთვის ექვსი დაავადების უფასო სკრინინგ აქცია ჩატარდა

საქართველოს დაავადებათა კონტროლის და საზოგადოებრივი ჯანმრთელობის ეროვნული ცენტრის, ფთიზიატრთა და პულმონოლოგთა ასოციაციის, რუსთავის მერიის ორგანიზებითა და საქართველოს „წითელი ჯვრის ორგანიზაციის“ ჩართულობით, რუსთავში ექვსი დაავადების სკრინინგ აქცია ჩატარდა. ინფორმაციას რუსთავის მერია ავრცელებს.

მათი ცნობით, ადგილობრივ მოსახლეობას ცხრა დღის განმავლობაში შესაძლებლობა ჰქონდა, მობილურ კლინიკაში ტუბერკულოზზე, ჰიპერტენზიაზე, აივ/შიდსზე, c ჰეპატიტზე, დიაბეტზე და კოვიდ 19-ზე სამედიცინო გამოკვლევა უფასოდ ჩაეტარებინა.

სკრინინგ აქციის მიმდინარეობას რუსთავის მერი, ნინო ლაცაბიძე ადგილზე გაეცნო.

,,რუსთავში უფასო სკრინინგ პროგრამა მიმდინარეობს, რაც ძალიან მნიშვნელოვანია, რადგან ამ დროისთვის 600-ზე მეტმა ადამიანმა ჩაიტარა უკვე გამოკვლევა. სკრინინგი ექვს სხვადასხვა დაავადებაზე უფასოდ ტარდება. მინდა მადლობა ვუთხრა მედიკოსებს და იმ ორგანიზაციებს, ვინც უზრუნველყო ამ პროგრამის ჩვენს ქალაქში განხორციელება“, - განაცხადა რუსთავის მერმა, ნინო ლაცაბიძემ.

რუსთავის მერიის ცნობით, მობილური კლინიკა, რუსთავში 11 ივლისიდან, 19 ივლისის ჩათვლით რამდენიმე ლოკაციაზე იყო განთავსებული და დღეისათვის გამოკვლევა 600-ზე მეტმა პირმა ჩაიტარა. მათი ინფორმაციით, რუსთავში სკრინინგ აქცია, გლობალური ფონდის მიერ დაფინანსებული ტუბერკულოზის პროგრამის ფარგლებში ჩატარდა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა