ფოთის მერიამ ახალგაზრდების პროფესიული განვითარების ხელშეწყობის მიზნით,უმაღლეს სასწავლებლებთან მემორანდუმი გააფორმა

ახალგაზრდების პროფესიული განვითარების ხელშეწყობის მიზნით, ქალაქ ფოთის მუნიციპალიტეტმა, უმაღლეს სასწავლებლებთან მემორანდუმი გააფორმა. ამის შესახებ ინფორმაციას ფოთის მერია ავრცელებს.

მათივე ინფორმაციით, ორმხრივი შეთანხმება ითვალისწინებს სტუდენტების ჩართულობას ქალაქ ფოთის მუნიციპალიტეტის სივრცის დაგეგმარების, არქიტექტურული და დიზაინერული საქმიანობის მიმართულებით. პროფესიული განვითარების ხელშეწყობის მიზნით განხორციელდება ერთობლივი ღონისძიებები. დაიგეგმა სტაჟირების პროგრამა, რომელიც საშუალებას მისცემს წარმატებულ სტუდენტებს დასაქმდნენ და განახორციელონ თავიანთი ინოვაციური იდეები ჩვენს ქალაქში.

„ფოთის მუნიციპალიტეტსა და საქართველოს ტექნიკურ უნივერსიტეტს, თბილისის თავისუფალ უნივერსიტეტს და საქართველოს უნივერსიტეტს შორის, ურთიერთთანამშრომლობის დოკუმენტს ხელი ფოთის მერის პირველმა მოადგილემ, დავით კვიციანმა და საკრებულოს თავმჯდომარის მოადგილე თორნიკე კირთაძემ მოაწერეს. სტუდენტებმა, შეხვედრაზე საკონკურსო და სემესტრული ნაშრომების ფარგლებში, პრეზენტაციის სახით წარმოადგინეს კონკრეტული პროექტები ქალაქგეგმარების და ურბანული განვითარების მიმართულებით. მემორანდუმი ქალაქ ფოთის მუნიციპალიტეტსა და განათლების სექტორს შორის თანამშრომლობის ფარგლებში გაფორმდა“, - ნათქვამია ინფორმაციაში.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს