რუსთავში, ცნობილი მოგზაურის და ველომრბოლელის ჯუმბერ ლეჟავას სახელობის ველომსვლელობა გაიმართა

რუსთავში, ცნობილი მოგზაურის და ველომრბოლელის ჯუმბერ ლეჟავას სახელობის ველომსვლელობა გაიმართა.

რუსთავის მერიის ინფორმაციით, ველორბოლა რუსთავის მერიისა და რუსთავის ველომოყვარულთა კლუბის ორგანიზებით ჩატარდა. ველომარათონმა სტარტი ქალაქის შესასვლელიდან აიღო და ჭავჭავაძის ქუჩაზე დასრულდა.

რუსთავის მერი ნინო ლაცაბიძე და საკრებულოს ფრაქცია ,,ქართული ოცნების" წევრი ამირან ჯანჯღავა, ველომრბოლელებს შეხვდნენ და ქალაქში ველოსპორტის განვითარების პერსპექტივებზე ისაუბრეს. ნინო ლაცაბიძემ შეხვედრისას ველომოყვარულთა კითხვებს უპასუხა.

,,ველომოყვარულებმა დღევანდელი მსვლელობა ჯუმბერ ლეჟავას ხსოვნას მიუძღვნეს. მნიშვნელოვანია, რომ რუსთავის ინფრასტრუქტურა და გეოგრაფიული მდებარეობა ხელს უწყობს იმას, ჩვენი ქალაქი რაც შეიძლება სწრაფად განვითარდეს როგორც ველომეგობრული და ველოქალაქი. მე რუსთაველებთან ერთად, ყველაფერს გავაკეთებ, რომ ხელი შევუწყოთ ჩვენს ქალაქში ველოსიპედების გამრავლებას და ამ ეკოლოგიური ტრანსპორტის კიდევ უფრო განვითარებას“, - განაცხადა რუსთავის მერმა ნინო ლაცაბიძემ.

მათვე ცნობით, მოგვიანებით, ხელოვნების სკოლაში, ჯუმბერ ლეჟავას მსოფლიოს გარშემო მოგზაურობის შესახებ რეჟისორ გიორგი ხარებავას ფილმის - „ველოსიპედით მთვარემდე“ ჩვენება გაიმართა.

ჯუმბერ ლეჟავას სახელობის ველომსვლელობა, წელს პირველად გაიმართა და მოგზაურის იუბილეს მიეძღვნა, სამომავლოდ კი ტრადიციულ სახეს მიიღებს. ჯუმბერ ლეჟავამ, მსოფლიოს გარშემო ველოსიპედით მოგზაურობა 1993 წლის 13 აგვისტოს რუსთავიდან დაიწყო. ის იუნესკოს ,,მსოფლიო სპორტსმენის" ტიტულის, ვახტანგ გორგასლის I ხარისხის ორდენის მფლობელი და გინესის რეკორდსმენი იყო.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა