დაბა ურეკში შშმ პირები გორის მუნიციპალიტეტის მერმა ვლადიმერ ხინჩეგაშვილმა გააცილა. ამის შესახებ ინფორმაციას გორის მუნიციპალიტეტის მერია ავრცელებს.
მათივე ცნობით, საქართველოს მთლიანობისთვის მებრძოლი შეზღუდული შესაძლებლობის მქონე 20 პირი სარეაბილიტაციოდ ზღვისპირა კურორტზე გაემგზავრა.
„პროექტი „ვეტერანების საკურორტო სარეაბილიტაციო მომსახურების“ ფარგლებში 20 ვეტერანი 10 დღიან სარეაბილიტაციო კურსს გაივლის.
პროექტი გორის მუნიციპალიტეტის მერიის სოციალური პროექტების თანადაფინანსების პროგრამის ფარგლებში, მერიისა და სამხედრო ძალების ვეტერანების დასაქმებისა და ბიზნესის ხელშეწყობის ცენტრის თანადაფინანსებით ხორციელდება”, - ნათქვამია ინფორმაციაში, რომელსაც გორის მერია ავრცელებს.