ქუთაისის მერიაში პროექტის „მერები ეკონომიკური ზრდისთვის“ ხელმძღვანელებთან შეხვედრა გაიმართა

ქუთაისის მერიაში პროექტის „მერები ეკონომიკური ზრდისთვის“ ხელმძღვანელებთან შეხვედრა გაიმართა. ამის შესახებ ინფორმაციას ქუთაისის მერია ავრცელებს.

მათივე ინფორმაცით, მუნიციპალიტეტების "ეკო სმარტ ქალაქებად" ტრანსფორმაციის ჯგუფის სამუშაო შეხვედრა ევროკავშირისა და გაეროს განვითარების პროგრამის ერთობლივი პროექტის ფარგლებში ჩატარდა.

ქუთაისის მერი იოსებ ხახალეიშვილი პროგრამის მენეჯერს ტიბო შარლეს, საქართველოში გაეროს განვითარების პროგრამის ხელმძღვანელის მოადგილეს ანა ჩერნიშოვას, M4EG რეგიონულ მენეჯერს თინა სტოუმს, M4EG პროექტის მენეჯერს თიკო ტყეშელაშვილს, M4EG ადგილობრივი ეკონომიკური განვითარების კოორდინატორს ოთარ კონჯორიას და სამუშაო ჯგუფის წარმომადგენლებს შეხვდა.

წარმოდგენილი იქნა ანგარიში იმ საქმიანობის შესახებ, რაც ქუთაისის მუნიციპალიტეტში ბოლო ექვსი თვის განმავლობაში განხორციელდა.

„ქუთაისისთვის ძალიან მნიშვნელოვანი პროექტი ხორციელდება და დღეს ამ პროექტზე მომუშავე მხარეები შევხვდით ერთმანეთს. შეხვედრის მთავარი მიზანი იყო პროექტის პირველ ეტაპზე მომზადებული დოკუმენტაციის წარდგენა, რომელიც განსაზღვრავს, თუ როგორ უნდა გარდაიქმნეს ქუთაისი „ეკო სმარტ ქალაქად“. ვიმსჯელეთ იმ აქტივობებსა და კამპანიებზე, რომელსაც ამ პროექტის ფარგლებში განვახორციელებთ. როგორც ჩვენმა სტუმრებმა UNDP-დან განაცხადეს, ქუთაისის მუნიციპალიტეტი ერთ-ერთი საუკეთესოა პროექტის მონაწილე თვითმმართველობებს შორის, საკითხისადმი ინოვაციური მიდგომებითა და ეფექტურობით. ვისაუბრეთ UNDP-ის მიმდინარე ხელშეწყობაზე და სამომავლო ინიციატივებზე, რომლებიც ქუთაისის მუნიციპალიტეტის ინოვაციურ, კლიმატგონივრულ და მდგრად განვითარებას ემსახურება, ასევე, თანამშრომლობის მომდევნო ეტაპებზეც. ხელშეკრულების გაფორმების შემდეგ დაიწყება კონკრეტული ნაბიჯების გადადგმა, რათა ქუთაისი გახდეს „ეკო სმარტ ქალაქი“, - განაცხადა იოსებ ხახლეიშვილმა.

პროექტი ითვალისწინებს 3 ინიციატივას: საინფორმაციო საკომუნიკაციო ქსელი; ეკო სმარტ ურბანული ტრანსფორმაციები; ტალანტები მწვანე ურბანული ინოვაციისთვის.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა