პროკრედიტ ბანკი თანამშრომლებს მოქნილ სამუშაო გარემოს უქმნის

პროკრედიტ ბანკმა, საერთაშორისო ქსელის მასშტაბით, სამუშაო პროცესისადმი ახალი მიდგომა დანერგა, რისი მიზანიც თანამშრომლებისთვის მოქნილი და მრავალფეროვანი სამუშაო გარემოს შექმნაა.

მუშაობის ახალი მოდელი, საშუალებას აძლევს პროკრედიტ ბანკის თითოეულ თანამშრომელს, სამუშაო სპეციფიკის გათვალისწინებით, თავად განსაზღვროს და გადაანაწილოს დრო უფრო ეფექტურად და ყოველთვე, სამუშაო დღეების ნაწილი (თვეში 5 დღე) ე.წ “Home office” პრინციპით იმუშაოს, სასურველი გარემოდან.

აღნიშნული ინიციატივა გერმანული ბანკის მიერ თანამედროვე ევროპული მიდგომების მორიგი გაზიარებაა იმ ქვეყნებისთვის, სადაც პროკრედიტ ბანკები ოპერირებენ.

ის, რაც პროკრედიტ ბანკის ამ ინიციატივას მნიშვნელოვნად გამოარჩევს, ერთი მხრივ, არის სისტემური მიდგომა და ყველა თანამშრომლისთვის თანაბარი პირობების შექმნა; მეორე მხრივ კი - მოქნილობა, რომელიც თითოეულ თანამშრომელს აძლევს შესაძლებლობას, სამუშაოს სპეციფიკის გათვალისწინებით, თავად აირჩიოს, როდის და საიდან იმუშაოს. ბანკი მათ სრულად უზრუნველყოფს საჭირო ტექნიკით.

სამუშაო პროცესის მსგავსი მოწყობა თანამშრომლებს უმაღლებს მოტივაციას, თუმცა დიდ პასუხისმგებლობასთანაცაა დაკავშირებული - მოითხოვს თვითორგანიზების მაღალ დონესა და დროის ეფექტურ მენეჯმენტს. დისტანციური მუშაობისას მნიშვნელოვანია, ასევე, უსაფრთხო სამუშაო გარემოს უზრუნველყოფა. ამ მიმართულებით აქამდე მიღებული პოზიტიური გამოცდილება ბანკის ახალი ინიციატივის წარმატებისა და გრძელვადიანი საკადრო მიდგომის საწინდარია.

გასათვალისწინებელია ისიც, რომ ამგვარ სამუშაო მოდელს ბევრი უპირატესობა აქვს არა მხოლოდ ორგანიზაციისა და თანამშრომლისთვის, არამედ გარემოსთვისაც: შემცირებული სატრანსპორტო გადაადგილების შედეგად მცირდება ატმოსფეროში მავნე აირების გამოფრქვევა, რაც დადებითად აისახება ჩვენს გარემოსა და ქალაქებზე. შესაბამისად, პროკრედიტ ბანკისთვის მუშაობის ახალი პოლიტიკა გარემოსდაცვითი მიმართულებითაც მნიშვნელოვანი პროექტია.

(R)

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა