ირაკლი კობახიძე უკრაინელი მოქალაქეების დახმარების პროგრამაზე - რესურსებიდან გამომდინარე, გარკვეული ტიპის დახმარებები, სამწუხაროდ, უსასრულოდ ვერ გაგრძელდებოდა

რესურსებიდან გამომდინარე, გარკვეული ტიპის დახმარებები, სამწუხაროდ, უსასრულოდ ვერ გაგრძელდებოდა, შესაბამისად, ხელისუფლებას გარკვეულ ეტაპზე ამ გადაწყვეტილების მიღება მოუწია, - ამის შესახებ „ქართული ოცნების“ თავმჯდომარე ირაკლი კობახიძემ განაცხადა, რითაც გამოეხმაურა თბილისის მერიის მიერ მიღებულ გადაწყვეტილებას, რომლის მიხედვითაც დასრულდა თბილისში მცხოვრები უკრაინელი მოქალაქეების თავშესაფრითა და კვებით უზრუნველყოფის პროგრამა, რისთვისაც დედაქალაქის ბიუჯეტიდან 14 მილიონი ლარი დაიხარჯა.

დედაქალაქის მერიის ცნობით, აღნიშნული პროგრამა დაანონსებული 1 თვის ნაცვლად, 4 თვეზე მეტხანს გაგრძელდა.

„ვითარება რთულია ყველა ქვეყანაში. სახელმწიფო ბევრ რამეს აკეთებდა და გააკეთებს მომავალში. ამ პირებისთვის გაიცემა სათანადო საკმაოდ სერიოზული კომპენსაციები, თუმცა, რესურსებიდან გამომდინარე, გარკვეული ტიპის დახმარებები, სამწუხაროდ, უსასრულოდ ვერ გაგრძელდებოდა, შესაბამისად, ხელისუფლებას გარკვეულ ეტაპზე ამ გადაწყვეტილების მიღება მოუწია“, - აღნიშნა კობახიძემ.

მისივე თქმით, უკრაინელ დევნილებს სახელმწიფო დაეხმარება და მათთვის გათვალისწინებულია კონკრეტული კომპენსაციები.

„ოჯახის 300-ლარიან დახმარებას ემატება სულადობრივი დახმარება, საერთაშორისო ორგანიზაციების მიერ გამოყოფილი თანხები და ა.შ. რა თქმა უნდა, რაღაცები საკმარისი შეიძლება არ იყოს, მაგრამ სახელმწიფოს აქვს თავისი მწირი რესურსი და ამის ფარგლებში გამოიყოფა დახმარება. შეგახსენებთ, რომ საქართველოში 500 000 ადამიანი არის სოციალურად დაუცველი პირი. სახელმწიფომ დაბალანსებულად უნდა გადაანაწილოს ის რესურსი, რომელიც მას აქვს“, - განაცხადა ირაკლი კობახიძემ.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა