ქობულეთში, დაბა ოჩხამურის მოსახლეობა საკანალიზაციო და წყლის სისტემის მოწესრიგებას ითხოვს.

მათ საპროტესტო აქცია გამართეს და განაცხადეს, რომ სასმელი წყალი გრაფიკით მიეწოდებათ.

ამასთან, მოსახლეობა ეჭვობს, რომ სასმელი წყალი უვარგისია.

“ონკანში წყალი დაბინძურებული მოდის, არის უვარგისი. გვეშინია ბავშვები არ მოიწამლონ. გრაფიკით მოსულ წყალს მოჰყვება ნალექი, რამაც საოჯახო ტექნიკა დააზიანა. მივმართავთ ადგილობრივ მთავრობას, რომ გაითვალისწინოს ჩვენი მდგომარეობა”, - განაცხადეს შეკრებილებმა.

აქციის მონაწილეებს ქობულეთის საკრებულოში “ერთიანი ნაციონალური მოძრაობის” წევრები შეუერთდნენ.