ყოფილი გენერალური პროკურორი ირინა ვენედიქტოვა შვეიცარიაში უკრაინის ელჩად დაინიშნება

უკრაინის საგარეო საქმეთა მინისტრ დმიტრო კულებამ უკრაინის პრეზიდენტ ვოლოდიმირ ზელენსკის შუამდგომლობას, რომ ყოფილი გენერალური პროკურორი ირინა ვენედიქტოვა შვეიცარიაში უკრაინის ელჩად დაინიშნოს, ხელი მოაწერა. ამის შესახებ კულებამ Ukrinform-თან მიცემულ ინტერვიუში განაცხადა.

„დიახ, ვენედიქტოვას შვეიცარიის ელჩად დანიშვნის შესახებ შუამდგომლობას ხელი მოვაწერე“, - განაცხადა კულებამ.

მან აღნიშნა, რომ პოლიტიკოსების დიპლომატიურ თანამდებობებზე დანიშვნის პრაქტიკა ყველა ქვეყანაში არსებობდა, რადგან „საჭიროა ახალი სისხლის, ახალი აზრებისა და შეხედულებების შემოდინება“.

ცნობისთვის, 19 ივლისს, უკრაინის უმაღლესმა რადამ ვენედიქტოვას უკრაინის გენერალური პროკურორის თანამდებობიდან გათავისუფლებას მხარი დაუჭირა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს