ტანას ხეობაში გორის მუნიციპალიტეტის მერიის დაფინანსებით 150 ბავშვი დაისვენებს - სოფელ ბობნევში „საზაფხულო ბანაკი“ იხსნება. ამის შესახებ ინფორმაციას გორის მერია ავრცელებს.

მათივე ცნობით, ბანაკში მონაწილეობის მსურველების რეგისტრაცია დღეს, 3 აგვისტოს დაიწყო და 10 აგვისტოს ჩათვლით გაგრძელდება.

„უპირატესობა მიენიჭიბათ სოციალურად დაუცველ, იძულებით გადაადგილებულ და საოკუპაციო ხაზის მიმდებარე სოფლებში მცხოვრებ აქტიურ ახალგაზრდებს.

პროექტის ბენეფიციარები საველე პირობებში კარვებში ცხოვრებას ისწავლიან. იგეგმება ასევე ლაშქრობების, სპორტული, კულტურული და შემეცნებითი ღონისძიებები მოწყობა. ბანაკი 12-დან 25 წლამდე მოზარდებს სამ ეტაპად უმასპინძლებს. თითოეულ ეტაპზე 50 ბავში გაემგზავრება. ისინი ბობნევში 5 დღეს დარჩებიან. პროექტი ასოციაცია „ტონთიოს“ ორგანიზებით ხორციელდება“, - აღნიშნულია ინფორმაციაში.

სააპლიკაციო ფორმა - https://docs.google.com/forms/d/e/1FAIpQLScrXIjFdifNs3mvTX2lTrxl06Y3eske6leXwS6foqnXiK0mTA/viewform