ბაია პატარაია -არასამთავრობო სექტორს ომბუდსმენის პოსტზე რამდენიმე კანდიდატი გვეყოლება, რასაც პარლამენტს შევთავაზებთ
ჩვენ წარმოგიდგენთ მთლიანად არასამთავრობო სექტორის ხედვას, როგორ წარმოგვიდგენია ომბუდსმენის კანდიდატების შერჩევა და წარდგენა პარლამენტისთვის, გვეყოლება რამდენიმე კანდიდატი და შევთავაზებთ პარლამენტს,- ამის შესახებ არასამთავრობო ორგანიზაცია "საფარის" ხელმძღვანელმა ბაია პატარაიამ ჟურნალისტებთან, საპარლამენტო ოპოზიციის ნაწილისა და არასამთავრობო სექტორის შეხვედრის დასრულების შემდეგ განაცხადა.
მისი თქმით, მათ აქვთ უკვე კონკრეტული ხედვა, როგორ უნდა წარიმართოს პროცესი სამართლიანად და გამჭვირვალედ იმისთვის, რომ მოხერხდეს დამოუკიდებელი ომბუდსმენის არჩევა.
" მალე, კონსულტაციების დასრულებისთანავე, ჩვენ წარმოგიდგენთ მთალიად არასამთავრობო სექტორის ხედვას, როგორ წარმიგვიდგენია კანდიდატების შერჩევა და წარდგენა პარლამენტისთვის, რომ უზრუნველყოფილი იყოს დამოუკიდებელი და კვალიფიციური ომბუდსმენის არჩევა. წარმოვადგენთ რა კრიტერიუმებს უნდა აკმაყოფილდებდნენ კანდიდატები და როგორი უნდა იყოს პროცესი, ჩვენ გვეყოლება რამდენიმე კანდიდატი, რასაც შევთავაზებთ პარლამენტს. 5 წლის წინ "ქართული ოცნება" თანახმა იყო მოდელზე, რომ არასამთავრობო სექტორს წარედგინა კანდიდატები, შეიძლება წელს ამაზე უარი თქვან, თუმცა ჩვენ საზოგადოებას დავანახებთ კანდიდატების შერჩევის ჯანსაღ, ღია პროცესს, სადაც ჩვენს მიერ წარდგენილი კანდიდატები იქნებიან კვალიფიციური და დამოუკიდებელი,"- განაცხადა პატარაიამ.
საპარლამენტო ოპოზიციის ნაწილი ომბუდსმენის არჩევის საკითხთან დაკავშირებით პარლამენტში არასამთავრობო სექტორს შეხვდა. ომბუდსმენის არჩევის საკითხი ევროკომისიის მიერ კანდიდატის სტატუსის მისაღებად განსაზღვრულ 12 რეკომენდაციას შორისაა.
v-if="article.gallery" v-html="article.gallery"
