ბექა ლილუაშვილის შეფასებით, სასამართლო სისტემაში პირველი რიგის პრობლემას არაფორმალური გავლენები წარმოადგენს

პარტია "საქართველოსთვის" დეპუტატის ბექა ლილუაშვილის შეფასებით, სასამართლო სისტემაში პირველი რიგის პრობლემას არაფორმალური გავლენები წარმოადგენს. როგორც ლილუაშვილი აცხადებს, არაფორმალური გავლენების შესამცირევლად პრინციპულად მნიშვნელოვანია იუსტიციის უმაღლესი საბჭოს ფუნდამენტური რეფორმა, რომელიც სასამართლო სისტემაში ძალაუფლების კონცეტრაციის წყაროს და გავლენის ჯგუფების ინსტრუმენტს წარმოადგენს.

"ჩვენ ვითხოვთ, იუსტიციის უმაღლეს საბჭოში ორი ორმაგი მესამედის სისტემის შემოღებას. შესაბამისი კანონპროექტი უკვე ინიცირებულია. ეს უზრუნველყოფს მაქსიმალურ ინკლუზიურობას და გამორიცხავს გავლენის ჯგუფების მხრიდან ინსტრუმენტების გამოყენებას. სასამართლო სისტემაში ასევე პრობლემაა სასამართლოს თავმჯდომარეების არჩევა", - აცხადებს ბექა ლილუაშვილი.

პარლამენტის იურიდიულ საკითხთა კომიტეტის სამუშაო ჯგუფმა, რომელიც სასამართლო რეფორმის საკითხებზე მუშაობს, დღეს პირველი სხდომა გამართა.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს