რუსეთში ლატვიის საელჩომ განაცხადა, რომ რუსეთის მოქალაქეებისთვის ვიზების გაცემას განუსაზღვრელი ვადით წყვეტს. დიპლომატიურმა მისიამ აღნიშნა, რომ ვიზაზე შეზღუდვა არ შეეხებათ რუსეთის მოქალაქეებს თუ ის ახლო ნათესავის დაკრძალვაზე დასასწრებად სჭირდებათ.
მანამდე ესტონეთმა განაცხადა, რომ შეწყვეტს რუსეთისა და ბელარუსის მოქალაქეებზე ბინადრობის ნებართვისა და სასწავლო ვიზების გაცემას.
გარდა ამისა, რუსეთის მოქალაქეების მიმართ ფინეთის მთავრობაც განიხილავს სავიზო შეზღუდვებს. ოფიციალური ჰელსინკი გეგმავს, ეს საკითხი აგვისტოს ბოლოს ევროკავშირის საგარეო საქმეთა მინისტრების შეხვედრაზე დააყენოს.