ფაქტები ადასტურებს, რომ რადიკალური ოპოზიციის მიერ პროცესების კოორდინირება, რომელთაც ხელისუფლების არაკანონიერად შეცვლა სურდათ, აშშ-ს საელჩოში ხდებოდა , - ამის შესახებ დღეს ჟურნალისტებთან პარლამენტის წევრმა, „ქართული ოცნების“ ყოფილმა წევრმა, გურამ მაჭარაშვილმა განაცხადა.

მისივე თქმით, "პოლიტიკური პარტიები რომ აღარ ეყოთ, პოლიტიკაში არასამთავრობო სექტორი შემოიყვანეს".

"სწორედ არასამთავრობო სექტორმა გამოაცხადა, რომ ტექნიკური მთავრობის ჩამოყალიბებას აპირებდა. ჩვენ ვფიქრობდით, რომ გარკვეულ ეტაპზე საელჩო გაჩერდებოდა, თუმცა რამდენიმე დღის წინანდელმა ინტერვიუმ ნათლად აჩვენა, რომ ამ საელჩო გაჩერებას არ აპირებდა", - აცხადებს გურამ მაჭარაშვილი.