ლონდონის საფონდო ბირჟაზე „საქართველოს ბანკის“ აქციების ფასი გაიზარდა და 2018 წლის შემდეგ რეკორდულ მაჩვენებელს მიაღწია. საბანკო ჯგუფის აქციების ღირებულება 20.00 ფუნტს გადასცდა. მაქსიმალური შეთავაზების ფასი კი 20.10 ფუნტი დაფიქსირდა.

აღსანიშნავია, რომ Bank of Georgia Group-ს კაპიტალიზაცია 963 მლნ ფუნტს შეადგენს. საბანკო ჯგუფმა წლის პირველი ნახევრის ანგარიში ახლახან გამოაქვეყნა და აქციონერებს 516 მლნ ლარის წმინდა მოგების შესახებ აცნობა. ეს მაჩვენებელი წლიურ ჭრილში 51%-იანი ზრდას უტოლდება.

შეგახსენებთ, რომ „საქართველოს ბანკის“ აქციები ლონდონის საფონდო ბირჟაზე დამოუკიდებლად 2018 წლიდან ივაჭრება. ამ დროს დასრულდა საინვესტიციო ჯგუფის „ბიჯეო“ ორ კომპანიად გაყოფა. მას შემდეგ „საქართველოს ბანკის“ აქციები BGEO-ს "ტიკერით", ხოლო „საქართველოს კაპიტალის“ აქციები CGEO-ს „ტიკერით“ ივაჭრება.

(R)