ნინო დოლიძე - რეალური საკითხებისგან თემის გადატანა ხდება - არ ვიცი, რა ულტიმატუმზეა საუბარი

"სამართლიანი არჩევნებისა და დემოკრატიის საერთაშორისო საზოგადოების“ (ISFED) აღმასრულებელი დირექტორის ნინო დოლიძის განცხადებით, მათ ორგანიზაციასთან დაკავშირებით მიღებული გადაწყვეტილება დისკრიმინაციულია.

როგორც დოლიძემ ჟურნალისტებს განუცხადა, მისთვის უცნობია, რა ულტიმატუმზეა საუბარი.

"რეალური საკითხებისგან თემის გადატანა ხდება და კიდევ არის ასეთი დისკუსია, ვინ უნდა იყოს ჩართული და ვინ - არა. რაც შეეხება უშუალოდ "სამართლიან არჩევნებთან" დაკავშირებით მიღებულ გადაწყვეტილებას, არაერთხელ ვთქვი და ახლაც ვიტყვი, რომ ეს იყო დისკრიმინაციული, არ ვიცი რა ულტიმატუმთან დაკავშირებით არის საუბარი. ჩვენ, სამოქალაქო ორგანიზაციები ერთად ვიდექით ჩვენი ქვეყნის ევროპული მომავლისთვის.

რაც შეეხება მთავრობის ფორმირებაში "სამართლიანი არჩევნების" მონაწილეობას, ეს სიმართლეს არ შეესაბამება, რადგან "სამართლიან არჩევნებს" არასდროს უთქვამს, რომ მთავრობის ფორმირებაში რაიმე სახით მონაწილეობის სურვილი გააჩნია",- განაცხადა დოლიძემ.

შეგახსენებთ, საქართველოს პარლამენტის თავმჯდომარის შალვა პაპუაშვილის განცხადებით, ISFED-მა საზოგადოებას უნდა გასცეს პასუხი კვლავ აყენებენ ულტიმატუმს, რომ ჰქონდეთ ვეტოს უფლება, გადამწყვეტი ხმა მთავრობის დაკომპლექტებაში, თუ ხსნიან თავის მოთხოვნებს.

„თუკი ისინი ამ პოზიციას არ იზიარებენ და მოხსნიან ამ მოთხოვნას, რა თქმა უნდა, მათ სრულად შეუძლიათ სამუშაო ჯგუფებში მონაწილეობა“,- დასძინა პარლამენტის თავმჯდომარემ.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას