ანრი ოხანაშვილი ავსტრიის ელჩს, თომას მიულმანს შეხვდა

იურიდიულ საკითხთა კომიტეტის თავმჯდომარე და ავსტრიის რესპუბლიკის პარლამენტთან მეგობრობის ჯგუფის ხელმძღვანელი ანრი ოხანაშვილი ავსტრიის რესპუბლიკის საგანგებო და სრულუფლებიან ელჩს საქართველოში თომას მიულმანს შეხვდა.

ამის შესახებ ინფორმაციას საქართველოს პარლამენტის პრესსამსახური ავრცელებს.

მათი ცნობით, მხარეებმა ავსტრიის პარლამენტის წევრების საქართველოში დაგეგმილ ვიზიტზე და ქვეყანაში მიმდინარე პოლიტიკურ პროცესებზე ისაუბრეს.

ანრი ოხანაშვილის თქმით, ელჩს დეტალური ინფორმაცია მიაწოდა ევროკავშირის მიერ განსაზღვრული 12 პუნქტიანი გეგმის შესრულების ფარგლებში, საკანონმდებლო ორგანოში შექმნილი სამუშაო ჯგუფების საქმიანობაზე.

„სექტემბერში, ავსტრიის პარლამენტის საქართველოს პარლამენტთან მეგობრობის ჯგუფის წევრები ვიზიტით გვეწვევიან, რაც კიდევ ერთხელ ხაზს უსვამს საქართველოსა და ავსტრიას შორის არსებულ მჭიდრო თანამშრომლობას და მათი მხრიდან ჩვენი ქვეყნის როგორც პოლიტიკურ, ასევე, ზოგადად, მტკიცე მხარდაჭერას.

შეხვედრაზე, ასევე, ვისაუბრეთ მიმდინარე პოლიტიკურ პროცესებზე. ბატონ ელჩს მივაწოდე დეტალური ინფორმაცია ევროკავშირის მიერ განსაზღვრული 12 პუნქტიანი გეგმის შესრულების ფარგლებში პარლამენტში შექმნილი სამუშაო ჯგუფების საქმიანობაზე და ამ პროცესში განხილულ საკითხებზე", - განაცხადა შეხვედრის დასრულების შემდეგ ანრი ოხანაშვილმა.

ალექსანდრე თვალჭრელიძე - თუ პრემიერი ფიქრობს, რომ რუსეთთან ეკონომიკური ურთიერთობების შენელება ცუდია საქართველოსთვის, იგი ცდება
ქართული პრესის მიმოხილვა 29.05.2023
სტეპან გრიგორიანი - თუ აზერბაიჯან-სომხეთს შორის ურთიერთობები დალაგდა, ევროპასთან ჩინეთის დამაკავშირებელი რკინიგზის პროექტში სომხეთი იქნება გათვალისწინებული, მანამდე კი ამ თემაზე საუბარი შეუძლებელია
PSP გილოცავთ საქართველოს დამოუკიდებლობის დღეს
„იდეა დეველოპმენტი“ კიდევ ერთი პროექტის სამშენებლო სამუშაოების დასრულებას აანონსებს