ბათუმში, ანბანის კოშკთან უკრაინის დამოუკიდებლობის დღესთან დაკავშირებით ღონისძიება მიმდინარეობს.

მოედანზე სპეციალური სცენაა დამონტაჟებული და კონცერტი ტარდება.

შეკრებილების თქმით, თავისუფლებისა და დამოუკიდებლობისთვის ბრძოლა უკრაინას დღემდე უწევს.

უკრაინის მოქალაქეებს ადგილობრივებიც შეუერთდნენ.

“დამოუკიდებლობა და ერთიანობა ჩვენთვის უმთავრესია. ამ დღეს უკრაინაში განსაკუთრებულად აღვნიშნავდით, თუმცა ამას ვერ წარმოვიდგენდით, რომ დღეს ჩვენს დამოუკიდებლობას ბათუმში აღვნიშნავდით, რადგან ჩვენს ქვეყანაში ომია. ახლაც გვიწევს ბრძოლა დამოუკიდებლობისთვის, ეს დღე ისტორიულია და ქართველ მეგობრებთან ერთად აღვნიშნავთ. ქართველებს კარგად გესმით, რას ნიშნავს თავისუფლება. ჩვენ საერთო მტერი გვყავს, რომელზეც აუცილებლად ერთად გავიმარჯვებთ, ეს ერთობა ამ კონცერტზე მოსულ ხალხსაც ეტყობა. დამოუკიდებლობისადმი მიძღვნილ კონცერტს, არაერთი თავისუფლების მოყვარე ადგილობრივი შეუერთდა. დიდება უკრაინას”, - განაცხადეს შეკრებილებმა.