ვანში იურიდული დახმარების სამსახურის საკონულტაციო ცენტრი გაიხსნა
ვანში, იურიდიული დახმარების სამსახურის საკონსულტაციო ცენტრი გაიხსნა. იურიდული დახმარების სამსახურის ინფორმაციით, გახსნის ღონისძიებაში მონაწილეობდნენ ვანის მუნიციპალიტეტის მერი ალექსანდრე გოგორიშვილი და ქუთაისის იურიდიული დახმარების ბიუროს უფროსი გელა სიორდია.
ადგილობროვ საზოგადოებას წარედგინათ კონსულტანტი ლანა უგულავა, რომელიც ვანის მოსახლეობას ნებისმიერ სამართლებრივ საკითხზე გაუწევს კვალიფიციურ სამართლებრივ კონსულტაციას.
ოფისის გახსნის შემდეგ, იურიდიული დახმარების სამსახურის დირექტორი რაჟდენ კუპრაშვილი ვანის მოსახლეობას შეხვდა.
„ადგილობრივებს მივაწოდეთ ინფორმაცია სამსახურის მიზნებისა და ფუნქციების, უფასო იურიდიული სერვისებით სარგებლობისა და მიმდინარე პროექტების შესახებ“,- ნათქვამია ინფორმაციაში.
