ლენტეხის მუნიციპალიტეტში საავტომობილო გზების დეპარტამენტი 2022-2023 წლებში 20 მლნ ლარის ღირებულების ინფრასტრუქტურულ პროექტებს განახორციელებს

ლენტეხის მუნიციპალიტეტში საგზაო ინფრასტრუქტურის მოწესრიგების მიზნით (ნაპირსამაგრები, გზის დამცავი საყრდენი კედლები), საავტომობილო გზების დეპარტამენტი 2022-2023 წლებში 20 მილიონი ლარის ღირებულების ინფრასტრუქტურულ პროექტებს განახორციელებს. ამის შესახებ ინფორმაციას ლენტეხის მერია ავრცელებს.

მათივე ცნობით, ამ ეტაპზე აქტიურად მიმდინარეობს ქუთაისი-წყალტუბო-ლენტეხი-ლასდილის 97კმ+900 ზე ჩაწყვეტილი, მიწის ვაკისის აღდგენის მიზნით ჩასატარებელი სამუშაოები, რომლის ღირებულებაა 4,288,866 ლარი. სამუშაოებს ახორციელებს შ.პ.ს. ,,ონიქს როუდი’’. პროექტის დასრულება ოქტომბრის ბოლოს იგეგმება.

ასევე, გავრცელებული ინფორმაციით, მიმდინარეობს ქუთაისი-ლენტეხის-ლასდილის (შ-15) საავტომობილო გზის 113კმ-125კმ მონაკვეთის სარეაბილიტაციო სამუშაოები, რომლის ღირებულებაა 4, 397,950 ლარი. შემსრულებელი- შ.პ.ს ,,ცეკური’’. სამუშაოები დასრულდება ოქტომბრის ბოლოს.

გარდა ამისა, მუნიციპალიტეტში ლენტეხი-ლასდილის 107 კმ+200მეტრის სიგრძის გზის დამცავი საყრდენი კედლის მშენებლობა მიმდინარეობს, რომელსაც „ნიუ როად“ ახორციელებს. პროექტის ღირებულება 5, 100,000 ლარს შეადგენს. სამუშაოების დასრულება 2023 წელს იგეგმება.

მიმდინარე სამუშაოები ლენტეხის მუნიციპალიტეტის მერმა გია ონიანმა და მერის მოადგილე ბერდია ჩანქსელიანმა მოინახულეს.

„საგზაო ინფრასტრუქტურის რეაბილიტაცია-მშენებლობა, ლენტეხის მუნიციპალიტეტის ეკონომიკური განვითარებისათვის ერთ-ერთი მნიშვნელოვანი ფაქტორია”, - განაცხადა გია ონიანმა.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას