ნანა გაბელიამ ზუგდიდში მცხოვრებ დევნილ მოზარდებს ახალგაზრდული პროგრამები გააცნო

იუსტიციისა და სამოქალაქო ინტეგრაციის საკითხებში აფხაზეთის მინისტრი ნანა გაბელია, პირველ მოადგილე გიორგი გაბედავასთან ერთად, ზუგდიდში დევნილთა კომპაქტურ ჩასახლებას ესტუმრა და მოზარდებს მინისტრის აპარატის მიერ შემუშავებულ პროექტებზე ესაუბრა.

აღნიშნულის შესახებ ინფორმაციას აფხაზეთის ავტონომიური რესპუბლიკის მთავრობა ავრცელებს.

ნანა გაბელიას განცხადებით, დევნილ მოზარდთა სამოქალაქო ჩართულობის სივრცე მინისტრის აპარატის ერთ-ერთი წარმატებული ახალგაზრდული პროექტია, რომლის ფარგლებში მოზარდები იღებენ ცოდნას და გამოცდილებას ბევრ მნიშვნელოვან საკითხზე, გამოიმუშავებენ საჭირო და აუცილებელ უნარ-ჩვევებს სხვადასხვა მიმართულებით.

„ამ ეტაპზე, ვგეგმავთ დევნილ მოზარდთა სამოქალაქო ჩართულობის სივრცის მოწყობას სამეგრელო-ზემო სვანეთის რეგიონში, სწორედ ამიტომ შევხვდით კომპაქტურ დასახლებებში მცხოვრებ ახალგაზრდებს, ჩვენ მაქსიმალურად გავითვალისწინებთ მათ ინტერესებს და დავაიდენტიფიცირებთ მათ საჭიროებებს შემდგომი ხელშეწყობის მიზნით”, - განაცხადა გაბელიამ.

აფხაზეთის ავტონომიური რესპუბლიკის მთავრობის ინფორმაციით, აღნიშნული პროექტი წარმატებით განხორციელდა სოფელ ფოცხოეწერში, ქალაქ ფოთსა და რუსთავში.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული ციფრული ბანკების გლობალური აღიარება
ვოლტი ზუგდიდშია