გორში, წმინდაწყლის ბაზრის მიმდებარედ ცალმხრივი მოძრაობა დროებით შეიზღუდა
წმინდაწყლის დასახლებაში, ცხინვალის გზატკეცილზე, ახალი ბაზრისა და ავტოსადგურის მიმდებარედ, ჩრდილოეთისკენ მიმავალ ცალმხრივი მოძრაობის ზოლზე ტრანსპორტის გადაადგილება დროებით შეიზღუდა. ამის შესახებ ინფორმაციას გორის მუნიციპალიტეტის მერია ავრცელებს.
მათი ცნობით, მოძრაობის შეზღუდვა აღნიშნული მოძრაობის ზოლზე დაგეგმილმა სარეაბილიტაციო სამუშაოებმა გამოიწვია, რომლებიც მალე დაიწყება.
როგორც მერიის მიერ გავრცელებულ ინფორმაციაშია აღნიშნული, სამუშაოების დასრულებამდე, სამხრეთისკენ მიმავალი ცალმხრივი მოძრაობის ზოლი დაიტვირთება. ამასთან, დღეიდან, აღნიშნული მოძრაობის ზოლზე ტრანსპორტი უკვე ორმხრივად მოძრაობს.
"გორის მერიის განცხადებით, სარეაბილიტაციო მონაკვეთის სიგრძე 740 მეტრია (პაპიტაშვილის ქუჩიდან და კარალეთის დევნილთა ჩასახლებამდე).
ასევე, სამუშაოები მოსახლეობის თხოვნით ხორციელდება.
პროექტის დასრულების შემდეგ კი, მძღოლებს გადაადგილებისას დაზიანებული გზის საფარით გამოწვეული პრობლემები აღარ შეაწუხებთ"- აღნიშნულია განცხადებაში,რომელსაც გორის მერია ავრცელბს.
v-if="article.gallery" v-html="article.gallery"
