გია ცაგარეიშვილი  - არ მგონია, რომ ვენეციის კომისია პოლიტიკურ სიბრტყეში უნდა შეიჭრას და ხელისუფლებას მიუთითოს, რომელი საკანონმდებლო აქტის მიღებაა სასარგებლო

არ მგონია, რომ ვენეციის კომისია პოლიტიკურ სიბრტყეში უნდა შეიჭრას და საქართველოს ხელისუფლებას პოლიტიკური მიზანშეწონილობიდან გამომდინარე მიუთითოს, რომელი საკანონმდებლო აქტის მიღებაა სასარგებლო - ასე რომ, ჩვენ რა თქმა უნდა, ვეტოს დავძლევთ, - ეს განცხადება ფარული მოსმენა-მიყურადების შესახებ მიღებულ კანონპროექტზე „ქართული ოცნების“ დეპუტატმა გია ცაგარეიშვილმა გააკეთა.

ცაგარეიშვილის აზრით, ვენეციის კომისიის მოსაზრებები სამართლებრივ შეფასებას არ შეიცავს და მათი კრიტიკა მხოლოდ კანონის მიღების მიზანშეწონილობას ანუ პოლიტიკურ მხარეს ეხება.

„ჩვენ ვენეციის კომისიისგან სამართლებრივ შეფასებებს ველოდებით ხოლმე. როდესაც პოლიტიკურ მიზანშეწონილობაზეა საუბარი, ნება გვიბოძეთ, რომ მათი დასკვნა შესაბამისად შევაფასოთ.

ჩვენს მიერ მიღებული კანონი მოქალაქეების უფლებრივ მდგომარეობას იოტისოდენადაც არ ლახავს. რაც შეეხება პოლიტიკურ მიზანშეწონილობას, აქ დღის წესრიგში სხვა საკითხი დგება და დავა პოლიტიკურ სიბრტყეში გადადის“, - განაცხადა ცაგარეიშვილმა.

მისივე განმარტებით, როგორც ქვეყნის შიგნით, ასევე ქვეყნის ფარგლებს გარეთ მომეტებული საფრთხეები არსებობს და მმართველმა გუნდმა კანონის მიღებისას სწორედ მზარდი საფრთხეებიდან გამომდინარე იხელმძღვანელა.

„კანონპროექტი პირველ რიგში, სამართალდამცავთა თხოვნით შემუშავდა იმისთვის, რომ ამ სტრუქტურების თანამშრომლების მიერ ადამიანთა ავი ზრახვები უფრო ადვილად გამოვლინდეს. ეს ერთგვარად პრევენციული ღონისძიებაც არის, რათა ყველამ იცოდეს, რომ როცა დანაშაული იგეგმება, როცა მისი განხორციელება და აღსრულება ხდება, შესაბამისი ზომებიც იქნება გატარებული. მნიშვნელოვანია შესაბამისი ღონისძიებების დაგეგმვა, რომელიც ჩვენი მოქალაქეების სიცოცხლეს, ჯანმრთელობასა და სახელმწიფოს უსაფრთხოებას დაიცავს. ჩვენ, პირველ რიგში, აქედან ამოვდივართ, როცა ამგვარ კანონპროექტებზე ვმსჯელობთ", - დასძინა ცაგარეიშვილმა.

შეგახსენებთ, რომ ვენეციის კომისია მმართველი გუნდის მიერ ფარულ მოსმენა-მიყურადების შესახებ მიღებულ კანონს ნაჩქარევად მიღებულს უწოდებს და პარლამენტს მისი გადახედვისკენ მოუწოდებს.

„სისხლის სამართლის საპროცესო კოდექსში" განხორციელებული ცვლილებებით, სამართალდამცავ უწყებებს ფარული საგამოძიებო მოქმედებების, მათ შორის ფარული მიყურადების განხორციელების ვადები ეზრდებათ. გარდა ამისა, იზრდება იმ დანაშაულების ჩამონათვალი, რომელთა გამოძიების დროსაც სამართალდამცავებს ფარული საგამოძიებო მოქმედებების ჩატარება შეუძლიათ.

პრეზიდენტმა სალომე ზურაბიშვილმა პარლამენტის მიერ მიღებულ კანონს ვეტო დაადო.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!
Super App-ისა და Visa-ს ყოველდღიური გათამაშება დაიწყო