ლიკანში ხანძარი ლიკვიდირებულია, სვანეთში კი ხანძრის სალიკვიდაციო სამუშაოები მიმდინარეობს

საგანგებო სიტუაციების მართვის სამსახურის უფროსის, თემურ მღებრიშვილის განცხადებით, ლიკანში ხანძარი ლიკვიდირებულია, სვანეთში კი სალიკვიდაციო სამუშაოები მიმდინარეობს.

როგორც მღებრიშვილმა ჟურნალისტებს განუცხადა, ლიკანში აქტიური მონიტორინგი გრძელდება, რათა კლიმატური ვითარების გამო გართულება არ იყოს.

რაც შეეხება სვანეთში გაჩენილ ხანძარს, თემურ მღებრიშვილის თქმით, ღია კერები რჩება, თუმცა ვითარება კონტროლირებადია.

„სვანეთში ხანძარი რთული იყო მისადგომად, ადგილობრივები როგორც აცხადებენ, მეხის ჩამოვარდნის შედეგად გაჩნდა ხანძარი, მეხანძრეებმა მიაღწიეს შემთხვევის ადგილზე და ქრობის სამუშაოები მიმდინარეობს. ღია კერები რჩება, თუმცა კონტროლირებადია“,- განაცხადა თემურ მღებრიშვილმა.