პაატა მანჯგალაძე - „ქართული ოცნება“ სიბრიყვეში გაჯიუტებას აგრძელებს - სურს, რომ ტოტალური მოსმენის არსებული პრაქტიკა დააკანონოს და ლეგალურ ჩარჩოში მოაქციოს

„ქართული ოცნება“ სიბრიყვეში გაჯიუტებას აგრძელებს - სურს, რომ ტოტალური მოსმენის არსებული პრაქტიკა დააკანონოს და ლეგალურ ჩარჩოში მოაქციოს, - ამის შესახებ „სტრატეგია აღმაშენებლის“ დეპუტატმა პაატა მანჯგალაძემ ჟურნალისტებთან განაცხადა.

მისი თქმით, იოსებ გოგაშვილის ფაილები და მანამდე სასულიერო პირების მოსმენებზე სუს-იდან გამოჟონილი მასალები ადასტურებს, რომ ადამიანებს ტოტალურად უსმენენ.

„არ ისმენენ ვენეციის კომისიის შეფასებას, სადაც საუბარია, რომ არ არის დასაბუთებული, თუ რა პოზიტიურ ინტერესს ემსახურება ძალოვანი უწყებებისთვის მოსმენის ვადისა და პირთა წრის გაფართოება. ასეთ დასაბუთებას ვერ ვხედავთ და აკეთებენ განცხადებებს, რას ვაშავებთო. მე გეტყვით, რომ მართლა არაფერში სჭირდება ეს „ქართულ ოცნებას“. გოგაშვილის ფაილებმა, მანამდე სასულიერო პირების მოსმენების გამოჟონილმა ფაილებმა პირდაპირ დაადასტურა, რომ „ქართული ოცნება“ ამ კანონით კი არ უსმენს ტოტალურად ადამიანებს, არამედ უსმენს ამ კანონის მიღმა, მაგრამ როგორც ჩანს, ამ კანონით სურთ ტოტალური მოსმენის პრაქტიკა რაც არსებობს, დააკანონონ და ლეგალურ ჩარჩოში მიაქციონ“, - განაცხადა მანჯგალაძემ.

პარლამენტი ფარულ მოსმენა-მიყურადების თაობაზე მიღებულ კანონთან დაკავშირებით პრეზიდენტის ვეტოს განხილვას იწყებს.

„სისხლის სამართლის საპროცესო კოდექსში" ცვლილებების პროექტზე სალომე ზურაბიშვილის ე.წ. მოტივირებულ შენიშვნებს 5 სექტემბრის სხდომაზე იურიდიულ საკითხთა კომიტეტი განიხილავს. პრეზიდენტის ვეტო პარლამენტის საშემოდგომო სესიის პლენარული სხდომის ერთ-ერთი მთავარი საკითხი იქნება.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!