თეთრიწყაროსა და თეთრიწყაროს მუნიციპალიტეტის 15 სოფლის 24 საათიანი წყალმომარაგებისთვის სისტემების მშენებლობა გრძელდება. როგორც წყალმომარაგების კომპანიის მიერ გავრცელებულ ინფორმაციაშია აღნიშნული, ქალაქსა და სოფლებში არსებული წყალმომარაგების ინფრასტრუქტურა მოძველებულია და განახლებას საჭიროებს.

მიმდინარეობს, როგორც არსებული, ასევე ახალი სათავე ნაგებობების, სატუმბო სადგურებისა და რეზერვუარების რეაბილიტაცია-მშენებლობა. გარდა ამისა, ეწყობა წყალმომარაგების სრულიად ახალი ქსელი.

სამუშაოების შედეგად, ქალაქ თეთრიწყაროსა და აღნიშნული სოფლების მცხოვრებლები, 24 საათიანი, ხარისნიანი წყალმომარაგებით იქნებიან უზრუნველყოფილნი.

პროექტისათვის, სახელმწიფო ბიუჯეტიდან 63 მლნ ლარზე მეტია გამოყოფილი.