ხატია დეკანოიძე - ნაწილობრივი დასანქცირება არ კმარა - უნდა დასანქცირდეს არამხოლოდ ბიძინა ივანიშვილი, არამედ ხელისუფლების ყველა ის წარმომადგენელი, რომელიც საფრთხეს უქმნის უკრაინის გამარჯვებას და საქართველოს დემოკრატიას

ნაწილობრივი დასანქცირება არ კმარა, უნდა დასანქცირდეს არამხოლოდ ბიძინა ივანიშვილი, არამედ ყველა ის ადამიანი საქართველოს ხელისუფლებაში, რომელიც საფრთხეს უქმნის უკრაინის გამარჯვებას და საქართველოს დემოკრატიას, - ამის შესახებ საპარლამენტო ფრაქცია „ერთიანი ნაციონალური მოძრაობის“ თავმჯდომარე ხატია დეკანოიძემ ჟურნალისტებთან საუბრისას განაცხადა, რითაც უპასუხა კითხვას, როგორ შეაფასებს იმ ფაქტს, რომ Credit Suisse Group-ის წინააღმდეგ საქართველოს ყოფილი პრემიერ-მინისტრის, ბიძინა ივანიშვილის მორიგი სამართლებრივი დავა სინგაპურში დღეს იწყება.

როგორც დეკანოიძე განმარტავს, ბიძინა ივანიშვილის კაპიტალი საეჭვო კალათაში უკრაინასთან დაკავშირებული პოზიციის გამო აღმოჩნდა.

ბიძინა ივანიშვილი პრაქტიკულად რუსული ყაიდის ბოლო ოლიგარქია, რომელიც ქვეყანას აკონტროლებს. ასეთი პრეცედენტი მსოფლიოში არ არსებობს. მთავარი ამოცანაა ოლიგარქის დასანქცირება. იგი ნაწილობრივ არის სანქცირებული, მათ შორის, შვეიცარიული ბანკის მიერ, რომელმაც მისი კაპიტალი საეჭვო კალათაში გადააგდო. ეს ნიშნავს, რომ უკრაინასთან მიმართებაში ბიძინა ივანიშვილის პოზიციის გამო არის იგი საეჭვო კალათაში.

ნაწილობრივი დასანქცირება არ კმარა, უნდა დასანქცირდეს არამხოლოდ ბიძინა ივანიშვილი, არამედ ის ადამიანები საქართველოს ხელისუფლებაში, რომლებიც საფრთხეს უქმნიან უკრაინის გამარჯვებას და საქართველოს დემოკრატიას.

ეს არის ძალიან მყარი პოზიცია. ჩვენ ამაზე ვმუშაობთ, რომ ასეთი პოზიცია ექნება ძალიან ბევრ საერთაშორისო პარტნიორს. შვეიცარიული ბანკის მიერ ბიძინა ივანიშვილის კაპიტალის საეჭვო კალათაში გადაგდება მოხდა მხოლოდ იმ პოზიციის გამო, რომელიც აქვს მას. ასევე, იმ კაპიტალის საეჭვო წარმომავლობის გამო, რომელიც აქვს. არავის დავიწყებია, რომ ის იყო „გაზპრომის“ აქციონერი. არავის დავიწყებია, რომ ბიძინა ივანიშვილის მთელი კაპიტალი რუსეთში იყო მოგროვებული“, - აღნიშნავს დეკანოიძე.

შეგახსენებთ, 5 სექტემბერს, შვეიცარიული Credit Suisse-ის ადგილობრივი განყოფილების - CS Trust-ის წინააღმდეგ საქართველოს ყოფილი პრემიერ-მინისტრის, ბიძინა ივანიშვილის სარჩელის სასამართლო პროცესი დაიწყება. ივანიშვილის პრეტენზიების ჯამური ოდენობა ბანკის სტრუქტურების მიმართ სინგაპურში, ახალ ზელანდიასა და ბერმუდის შტატებში 800 მილიონი დოლარია, ბიზნესმენი მიიჩნევს, რომ მან ეს თანხა Credit Suisse-ის ყოფილი მენეჯერის ქმედებით დაკარგა.

Bloomberg-ის ცნობით, ბიძინა ივანიშვილი სასამართლო პროცესის გახსნის დღეს ვიდეო ჩართვით მისცემს ჩვენებას. 2022 წლის მარტის ბოლოს, ქართველმა მილიარდერმა ბერმუდის შტატში იმავე საკითხზე Credit Suisse-ის წინააღმდეგ სასამართლო პროცესი მოიგო. ბანკმა მას დაახლოებით 500 მილიონი დოლარი უნდა გადაუხადოს.

როგორც Bloomberg-ი წერს, ბერმუდის სასამართლო პროცესი არის ერთგვარი გასაღები მილიარდერსა და ბანკს შორის დაპირისპირებაში, რადგან ამან შეიძლება შექმნას პრეცედენტი - ივანიშვილი ამტკიცებს, რომ ის დაზარალდა ბანკის ყოფილი მენეჯერის პატრის ლესკოდრონის ქმედებებით. ეს უკანასკნელი 2018 წელს თაღლითობისთვის გაასამართლეს, 2019 წელს გაათავისუფლეს, ხოლო 2020 წელს მან თავი მოიკლა. ლესკადრონმა აღიარა, რომ 2008 წლის ფინანსური კრიზისის დროს, კლიენტების ფულის ხარჯზე მან ზარალის დაფარვა დაიწყო.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი