BTU-ს ჩართულობით ქალი აგრო მეწარმეებისთვის აქსელერაციის პროგრამა იწყება

სილიკონ ველი თბილისი, ბიზნესისა და ტექნოლოგიების უნივერსიტეტსა და ფერმერთა ასოციაციასთან პარტნიორობით, USAID-ის მხარდაჭერით ქალი აგრო მეწარმეებისთვის აქსელერაციის პროგრამას იწყებს. პროგრამა აღმოსავლეთ საქართველოში განხორციელდება და მასში მონაწილეობის მიღება 18-დან 42-წლამდე ქალებს შეუძლიათ. მონაწილეობისთვის აუცილებელია, რომ ისინი უკვე მოღვაწეობდნენ აგროსექტორში და საკუთარ საქმიანობაში თანამედროვე ტექნოლოგიების ინტეგრაციით იყვნენ დაინტერესებულნი.

პროგრამის მიზანია, ბენეფიციარები აგრიტექის მიმართულებით არსებულ ინოვაციებსა და ტენდენციებს გაეცნონ, სტარტაპის შექმნისა და განვითარების ეტაპები შეისწავლონ და საქართველოს ინოვაციების და ტექნოლოგიების სააგენტოს საგრანტო პროგრამაში მონაწილეობის მისაღებად მოემზადონ.

აღმოსავლეთ საქართველოში ჯამში 30 ბენეფიციარი 2 ეტაპად გადამზადდება აგრიტექის მიმართულებით.

აქსელერაციის პროგრამაში მონაწილეობისთვის აუცილებელი კრიტერიუმებია: ბიზნესს/სტარტაპს ჰყავდეს ქალი დამფუძნებელი და აკმაყოფილებდეს ასაკობრივ ზღვარს.

3-კვირიანი ინტენსიური გადამზადების პარალელურად, ბენეფიციარებს შესაძლებლობა ექნებათ ინდივიდუალურად შეხვდნენ მენტორებს და მიიღონ წვდომა სასწავლო მასალებზე სრულიად უფასოდ.

პროგრამის ბენეფიციარები გაიღრმავებენ ცოდნას შემდეგი მიმართულებით: მეწარმეობა, სტარტაპი, სამეწარმეო/სტარტაპ გარემო საქართველოში, გზები ბიზნესიდეამდე, იდეის წარდგენა და განხორციელებისთვის საჭირო რესურსები, აგროსექტორის პრიორიტეტული მიმართულებები, ციფრული ტექნოლოგიები აგრობიზნესში, ხელოვნური ინტელექტი აგრობიზნესში, სურსათის უვნებლობა და სტანდარტები, ელექტრონული კომერცია, ფინანსებზე წვდომა, ბიუჯეტის მომზადება, მარკეტინგული სტრატეგია, ბრენდინგი, ინვესტორებთან ურთიერთობა და სხვა.

პროგრამის განხორციელება 10 ოქტომბერს ჰიბრიდულ ფორმატში დაიწყება.

აქსელერაციის პროგრამაზე რეგისტრაციისთვის აუცილებელია მოცემული სარეგისტრაციო ფორმის შევსება, სამოტივაციო წერილის ატვირთვა და ფინალური გასაუბრების გავლა.

მათ, კი ვისაც ჯერ არ გადაუწყვეტიათ პროგრამაში მონაწილეობა და საინფორმაციო შეხვედრაზე დასწრება სურთ, აღნიშნული ფორმა უნდა შეავსონ.

(R)

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა