კარა მაკდონალდი - ხელისუფლებას მოვუწოდებთ, ხელი შეუწყოს ერთიანობას - არ ვიცი, როდის გაჩნდება კიდევ ასეთი შანსი, ამიტომ არ გამოტოვოთ ეს შესაძლებლობა და გადადგით ის 12 ნაბიჯი, მიიყვანეთ ბოლომდე ქართველი ხალხის გამარჯვებისთვის

ხელისუფლებას მოვუწოდებთ, ხელი შეუწყოს ერთიანობას - ამაში ხელისუფლებას განსაკუთრებული როლი აქვს. არ გამოტოვოთ ეს შესაძლებლობა, არ ვიცი როდის გაჩნდება კიდევ ასეთი შანსი, ამიტომ არ გამოტოვოთ ეს შესაძლებლობა და გადადგით ის 12 ნაბიჯი, გადადგით ეს ნაბიჯები სერიოზულად და მიიყვანეთ ბოლომდე ქართველი ხალხის გამარჯვებისთვის, - ამის შესახებ აშშ-ის სახელმწიფო მდივნის თანაშემწის მოადგილემ კარა მაკდონალდმა თბილისში მიმდინარე საერთაშორისო კონფერენციაზე, „დიდება უკრაინას“ ჟურნალისტებთან საუბრისას განაცხადა.

მისივე თქმით, საქართველოში ამერიკის შეერთებული შტატების ელჩმა და მისმა გუნდმა შესანიშნავი სამუშაო გასწიეს ქვეყანაში ერთიანობის ხელშესაწყობად. კარა მაკდონალდის თქმით, ელჩ დეგნანს ვაშინგტონის სრული მხარდაჭერა აქვს.

„მე აქ ვარ, რათა მხარი დავუჭირო უკრაინისადმი მიძღვნილ კონფერენციას, რათა გამოვხატო მხარდაჭერა თავად უკრაინის და ასევე საქართველოს მიმართ. პრეზიდენტ ბაიდენს სჯერა, რომ დემოკრატიასა და ავტოკრატიას შორის ბრძოლა 21-ე საუკუნის განმსაზღვრელი მოვლენაა. არ არსებობს ავტორიტარიზმის მიერ შექმნილი საფრთხეების იმაზე დიდი ან იმაზე უხეში მაგალითი, ვიდრე რუსეთის არაპროვოცირებული, გაუმართლებელი, არაკეთილსინდისიერი შეჭრა უკრაინაში. ჩვენ ყველა აქ ვატარებთ უკრაინის სიმამაცის მხარდაჭერის სულისკვეთებას. დღეს შევხვდი რამდენიმე უკრაინელ ლტოლვილს, რომლებმაც გამოუთქმელი საშინელება გამოიარეს რუსეთისა და მისი წარმომადგენლების ხელში საფილტრაციო პროცესისას. ჩვენ მივიჩნევთ, რომ ძალიან მნიშვნელოვანია ამაზე პასუხისმგებლობის დაკისრება. რა თქმა უნდა, ქართველებისთვის უცხო არ არის, რასაც უკრაინელები განიცდიან, რადგან საქართველოს ტერიტორიების 20% ოკუპირებულია. ვფიქრობ, ძალიან მნიშვნელოვანია რამდენიმე მესიჯის კიდევ ერთხელ გამეორება: პირველი არის სოლიდარობა ქართველების მიმართ ევროატლანტიკური ინტეგრაციისადმი სწრაფვაში. ჩვენ ბევრი ჩავდეთ ამაში. ჩვენ ვართ ამ პროცესის პარტნიორები და მზად ვართ დაგეხმაროთ და მხარი დაგიჭიროთ ამ პროცესის განმავლობაში, მაგრამ ამის გასაკეთებლად საჭიროა ერთიანობა. ერთიანობა არის ის, რისიც ავტორიტარებს ეშინიათ, ეს არის ერთადერთი გზა, რომელიც საქართველოს წაიყვანს თავისი მისწრაფებისკენ, რომელიც ქართველმა ხალხმა გამოხატა. ასევე, მინდა აღვნიშნო და შევაქო ჩვენი საელჩო საქართველოში და ელჩი დეგნანი და მისი გუნდი, რომელიც ურთიერთქმედებს სამოქალაქო საზოგადოებასთან, ბიზნეს ლიდერებთან, ხელისუფლებასთან, პარლამენტთან, ოპოზიციასთან, რათა გაამყაროს ერთიანობა. ვაშინგტონიდან მას აქვს ჩვენი სრული მხარდაჭერა. მან და მისმა გუნდმა შესანიშნავი სამუშაო გასწიეს აქ და სწორედ ეს არის, რასაც ხელისუფლებას მოვუწოდებთ, ხელი შეუწყოს ერთიანობას და ამაში ხელისუფლებას განსაკუთრებული როლი აქვს. არ გამოტოვოთ ეს შესაძლებლობა, არ ვიცი როდის გაჩნდება კიდევ ასეთი შანსი, ამიტომ არ გამოტოვოთ ეს შესაძლებლობა და გადადგით ის 12 ნაბიჯი, გადადგით ეს ნაბიჯები სერიოზულად და მიიყვანეთ ბოლომდე ქართველი ხალხის გამარჯვებისთვის“,- განაცხადა კარა მაკდონალდმა.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო