ხატია დეკანოიძე - ძვირფასო, რუსულ გზას დამდგარო უმრავლესობავ, თქვენ საბოლოოდ დაგერქვათ პრორუსული ორიენტაციის პარტია - გილოცავთ! ბიძინა ივანიშვილი მეორედ დასანქცირდა და დასანქცირდება ყველა, ვინც ხელს უწყობს რუსული გავლენების გაძლიერებას

აქ ერთ-ერთმა კომიტეტის თავმჯდომარემ მოგვმართა „დესტრუქციული ოპოზიცია“ ხართო, მე მოგმართავთ ასე - ძვირფასო, რუსულ გზას დამდგარო უმრავლესობავ, საპარლამენტო საარჩევნო კამპანია იყო პროევროპული, 2020-ის საპარლამენტო კამპანიის შემდეგ თქვენ გახდით პრორუსული, ამიტომ ნებისმიერი ლეგიტიმაცია გაქვთ დაკარგული, - ასე მიმართა პარტია „ნაციონალური მოძრაობის“ ერთ-ერთმა ლიდერმა ხატია დეკანოიძემ უმრავლესობის წევრებს პარლამენტის საშემოდგომო სესიის პლენარულ სხდომაზე.

დეკანოიძის შეფასებით, საქართველოს კანდიდატის სტატუსის ჩავარდნა არის „ქართული ოცნების“ პასუხისმგებლობა და ღარიბაშვილის, ივანიშვილის და მმართველი პარტიის დამსახურებაა, რომ კანდიდატის სტატუსი არ მოგცეს.

„ბატონო თავმჯდომარე, თქვენ გავიწყდებათ, რომ არ ხართ „ქართული ოცნების“ თავმჯდომარე, თქვენ ხართ საქართველოს პარლამენტის თავმჯდომარე და პანელურ დისკუსიაზე იმიტომ არ მოხვედით, რომ კონფერენციას „სლავა უკრაინე“ ერქვა. ჩვენ მოწმე ვართ საქართველოს უახლეს ისტორიაში ყველაზე დიდი ცვლილებების, რომელიც „ქართული ოცნების“ პირობებში მოხდა და ეს არის საქართველოს საგარეო პოლიტიკური კურსის ცვლილება და ამ დარბაზში მსხდომმა უმრავლესობამ და მათმა ლიდერებმა საქართველოს საერთაშორისო ყველა პარტნიორი - აშშ-ის ელჩი, ევროკავშირს ახალი ელჩი, მაკკეინის ინსტიტუტის დირექტორი და ა.შ., რომელიც იმ დისკუსიაში მონაწილეობდა, თქვენ გამოაცხადეთ მთავარ მტრებად. ეს არის ზუსტად თქვენი პოლიტიკა, როდესაც აქ რაღაც ფარსად გვესაუბრებით 12 პუნქტის შესრულებაზე.

საქართველოს კანდიდატის სტატუსის ჩავარდნა არის „ქართული ოცნების“ პასუხისმგებლობა, როდესაც თქვენ დაშალეთ ასოცირებული „ტრიო“ მოლდოვასთან და უკრაინასთან და აღარ წახვედით. ზუსტად ღარიბაშვილის, ივანიშვილის და თქვენი დამსახურებაა, რომ არ მოგცეს კანდიდატის სტატუსი და ყველაზე დიდი რადიკალური ნაბიჯი „ქართულმა ოცნებამ“ გადადგა მაშინ, როდესაც დაუპირისპირდა საკუთარ სამშობლოს, საკუთარ მოქალაქეებს. ყველას გავიწყდებათ საბოლოოდ თქვენ დაგერქვათ პრორუსული ორიენტაციის პარტია.

აქ ერთ-ერთმა კომიტეტის თავმჯდომარემ მოგვმართა „დესტრუქციული ოპოზიცია“ ხართო, მე მოგმართავთ ასე - ძვირფასო, რუსულ გზას დამდგარო უმრავლესობავ, საპარლამენტო საარჩევნო კამპანია იყო პროევროპული, 2020-ის საპარლამენტო კამპანიის შემდეგ თქვენ გახდით პრორუსული, ამიტომ ნებისმიერი ლეგიტიმაცია გაქვთ დაკარგული და ეს ლეგიტიმაცია არის ზუსტად იმის წყარო, რომ თქვენ მხოლოდ და მხოლოდ ფიქრობთ იმაზე, ბიძინა ივანიშვილის მილიონები როგორ დაიცვათ. გილოცავთ! ბიძინა ივანიშვილი დასანქცირდა მეორედ და დასანქცირდება ყველა ის ადამიანი, რომელიც ხელს უწყობს რუსული გავლენების გაძლიერებას“, - განაცხადა დეკანოიძემ.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა