ქვემო ქართლის სახელმწიფო რწმუნებულის ადმინისტრაცია - სოკოს საწარმო „თეთრი ქუდი" 20 სექტემბერს საქმიანობას ოფიციალურად შეაჩერებს

სოკოს საწარმო ,,თეთრი ქუდი" 20 სექტემბერს საქმიანობას ოფიციალურად შეაჩერებს. ინფორმაციას ქვემო ქართლის სახელმწიფო რწმუნებულის ადმინისტრაცია ავრცელებს.

მათი ინფორმაციით, კომპანიის დირექტორმა, ალექსი ბერიძემ პასუხისმგებლობა აიღო და ოფიციალური განცხადება გააკეთა კომპანიის საქმიანობის შეჩერებაზე, რაც საწარმოში კომპოსტირების შეწყვეტას და ქალაქის უსიამოვნო სუნისგან გათავისუფლებას ითვალისწინებს.

ამასთან, როგორც ქვემო ქართლის სახელმწიფო რწმუნებულის ადმინისტრაციაში აღნიშნავენ, გიორგი დოხტურიშვილი რუსთავის მერთან ერთად საწარმოს დირექტორს შეხვდა.

„ხელისუფლება ყოველთვის იქნება მოწოდების სიმაღლეზე, მიიღოს კანონით დადგენილი ზომები, თუ კომპანია მავნე ზეგავლენას მოახდენს მოსახლეობაზე და კანონით დადგენილ ნორმებს დაარღვევს", - განაცხადა გიორგი დოხტურიშვილმა.

როგორც ქვემო ქართლის სახელმწიფო რწმუნებულის ადმინისტრაციაში განმარტავენ, უკვე წლებია რუსთავის მოსახლეობა უსიამოვნო სუნითაა შეწუხებული, რომელიც სოკოს საწარმოდან გამოიყოფა და ქალაქში ვრცელდება.

„2019 წლიდან დღემდე, გარემოსდაცვითი ზედამხედველობის დეპარტამენტის მიერ სტანდარტებთან შეუსაბამოო საქმიანობის გამო, საწარმო არაერთხელაა დაჯარიმებული. სწორედ ამ საკითხზე რეაგირების და რუსთაველების კეთილდღეობის მიზნით, ქვემო ქართლში სახელმწიფო რწმუნებულმა, გიორგი დოხტურიშვილმა რუსთავის მერ ნინო ლაცაბიძესთან ერთად საწარმო ადგილზე მოინახულა. მან განაცხადა, რომ 20 სექტემბრიდან საწარმო კომპოსტირებას შეწყვეტს და ქალაქს უსიამოვნო სუნი აღარ შეაწუხებს.

რწმუნებულთან და მერთან ერთად, სოკოს საწარმო ადგილზე მოინახულეს რწმუნებულის მოადგილე ნიკა კობახიძემ, ქალაქ რუსთავის მერის მოადგილე ბესიკ ტოგონიძემ და სსდ გარემოსდაცვითი ზედამხედველობის დეპარტამენტის უფროსმა, ლევან ჯღარკავამ“,-აღნიშნულია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს