თეა ახვლედიანი სოფელ ჩორჩანასა და ავლევში მოსახლეობას შეხვდა

შერიგებისა და სამოქალაქო თანასწორობის საკითხებში სახელმწიფო მინისტრი თეა ახვლედიანი გამყოფი ხაზის სოფლებში იმყოფებოდა, სადაც კონფლიქტის შედეგად დაზარალებულ მოსახლეობას შეხვდა.

შერიგებისა და სამოქალაქო თანასწორობის საკითხებში სახელმწიფო მინისტრის აპარატის ინფორმაციით, სახელმწიფო მინისტრი, საოკუპაციო ხაზთან, ხაშურის მუნიციპალიტეტის სოფელ ჩორჩანასა და ქარელის მუნიციპალიტეტის სოფელ ავლევს ესტუმრა. ავლევში შეხვედრას ასევე ესწრებოდნენ სოფელი კნოლევისა და ცერონისის მცხოვრებლები.

როგორც თეა ახვლედიანმა განაცხადა, შერიგებისა და ჩართულობის სახელმწიფო პოლიტიკის ერთ-ერთი მთავარი პრიორიტეტი სწორედ კონფლიქტით დაზარალებულ ადამიანებზე ზრუნვა და მათთვის ღირსეული ცხოვრების პირობების შექმნის ხელშეწყობაა.

სახელმწიფო მინისტრი თეა ახვლედიანი შიდა ქართლში გამყოფი ხაზის სოფლებს სახელმწიფო რწმუნებულ მიხეილ შაყულაშვილსა და ადგილობრივი ხელისუფლების სხვა წარმომადგენლებთან ერთად ეწვია. საქართველოს მთავრობისა და ადგილობრივი ხელისუფლების წარმომადგენლებმა მოსახლეობასთან მათ წინაშე არსებული საჭიროებები განიხილეს.

„ვაგრძელებთ ინტენსიურ კომუნიკაციას საოკუპაციო ხაზის მიმდებარედ მცხოვრებ კონფლიქტით დაზარალებულ მოსახლეობასთან. შიდა ქართლის რეგიონის გამყოფი ხაზის სოფელ ჩორჩანაში, ავლევში, კნოლევსა და ცერონისში, რომელთა მცხოვრებლებთან დღეს გავმართეთ შეხვედრები, ბოლო წლების განმავლობაში არაერთი ინფრასტრუქტურული პროექტი და სხვა მნიშვნელოვანი ღონისძიებები განხორციელდა შესაბამისი სახელმწიფო პროგრამების ფარგლებში. ადგილობრივ მოსახლეობასთან საუბრისას განვიხილეთ მათთვის აქტუალური საკითხები, მათ წინაშე არსებული გამოწვევები და, ადგილობრივი ხელისუფლების წარმომადგენლებთან ერთად, ვიმსჯელეთ მათი შემდგომი გადაჭრის გზებზე. ასევე ვეწვიეთ სოფელ ავლევის საბავშვო ბაღს, სკოლამდელი აღზრდის დაწესებულებას, რომლის სამშენებლო და სარეაბილიტაციო სამუშაოები ახლახან დასრულდა და რომელიც უკვე ამ სასწავლო წელს, პირველად, მიიღებს 30-ზე მეტ აღსაზრდელს 3 სოფლიდან. საქართველოს მთავრობა, ადამიანზე ორიენტირებული პოლიტიკის ფარგლებში, შემდგომშიც განაგრძობს კონფლიქტის შედეგად დაზარალებულ ადამიანებზე ზრუნვას და მათ მხარდაჭერას მსგავსი პროექტებით და მათ წინაშე არსებულ საჭიროებებზე მორგებული მიდგომით“, - განაცხადა თეა ახვლედიანმა.

ალექსანდრე თვალჭრელიძე - თუ პრემიერი ფიქრობს, რომ რუსეთთან ეკონომიკური ურთიერთობების შენელება ცუდია საქართველოსთვის, იგი ცდება
ქართული პრესის მიმოხილვა 29.05.2023
სტეპან გრიგორიანი - თუ აზერბაიჯან-სომხეთს შორის ურთიერთობები დალაგდა, ევროპასთან ჩინეთის დამაკავშირებელი რკინიგზის პროექტში სომხეთი იქნება გათვალისწინებული, მანამდე კი ამ თემაზე საუბარი შეუძლებელია
კახა ოქრიაშვილი - პუტინმა საქართველოსა და უკრაინაში ომი არა ნატო-ს, არამედ რუსეთის იმპერიის აღდგენის გამო დაიწყო, რადგან დღესაც თვლის და ამბობს, რომ ამ ქვეყნებმა რუსეთის შემადგენლობაში გუბერნიების სტატუსით უნდა იარსებონ
Golden Tulip Design Tbilisi ბელგიელი NFT არტისტის ციფრულ გამოფენას მასპინძლობს
PSP გილოცავთ საქართველოს დამოუკიდებლობის დღეს
„იდეა დეველოპმენტი“ კიდევ ერთი პროექტის სამშენებლო სამუშაოების დასრულებას აანონსებს