წინანდლის მამულში მირონ შველიძის ნამუშევრების გამოფენა მოეწყო

სილქ როუდ ჯგუფის ინიციატივით ალექსანდრე ჭავჭავაძის წინანდლის სახლ-მუზეუმში ქართველი მხატვრის, სცენოგრაფის, მირონ შველიძის გამოფენით საშემოდგომო სეზონი გაიხსნა.

მირონ შველიძე 1975 წლიდან იყო რუსთაველის თეატრის დამდგმელი მხატვარი. გამოფენაზე, მუზეუმის შიდა და გარე სივრცეში, წარმოდგენილი იქნება ხელოვნის მიერ სხვადასხვა პერიოდში შექმნილი კოსტიუმები, ესკიზები, მაკეტები და სპექტაკლების დეკორაციები.

გამოფენის გახსნის ცერემონიას დაესწრო საქართველოს კულტურის, სპორტისა და ახალგაზრდონის მინისტრი ქალბატონი თეა წულუკიანი, მხატვრის ოჯახის წევრები, თეატრისა და სახელოვნებო სფეროს წარმომადგენლები.

დღეს საგამოფენო სეზონი გავხსენით გენიალური მხატვრის მირ შველიძის გამოფენით. ეს ადგილი სწორედ იმისთვის არის, რომ ხელოვნების გამორჩეული ოსტატების შემოქმედება წარმოაჩინოს, რომ წინანდლის სტუმრები, განსაკუთრებით ახალგაზრდები, ეზიარონ ხელოვნებას, გაეცნონ ჩვენი ქვეყნის თვალსაჩინო წარმომადგენლების დანატოვარს. ახლა წინანდალში განსაკუთრებული დღეებია. გარდა ამ შესანიშნავი გამოფენისა, წინანდალი მასპინძლობს კლასიკური მუსიკის ფესტივალს. გვქონდა შესანიშნავი დილის კონცერტი, საღამოს პანკავკასიური ახალგაზრდული ორკესტრი დაუკრავს მსმენელისთვის. ამ შესაძლებლობისთვის მინდა მადლობა გადავუხადო კულტურის მინისტრს, ქალბატონ თეა წულუკიანს, რომელიც გვერდში დაგვიდგა და რომლის მხარდაჭერის გარეშეც გაგვიჭირდებოდა ფესტივალის სრულმასშტაბიანი ფორმატით ჩატარება, - გიორგი რამიშვილი, წინანდლის ფესტივალის და სილქ როუდ ჯგუფის დამფუძნებელი.

მეოთხე სეზონზე, ორწლიანი პაუზის შემდეგ, წინანდლის ფესტივალს პანკავკასიური ახალგაზრდული ორკესტრი დაუბრუნდა. 2022 წლის სეზონზე კლასიკური მუსიკის მოყვარულებს წინანდლის ფესტივალმა გამორჩეული პროგრამა და შემსრულებლები წარუდგინა. 10-დღიანი საფესტივალო პროგრამის ფარგლებში ცნობილ მუსიკოსებიდან ერთად პანკავკასიური ახალგაზრდული ორკესტრი 4 კონცერტს გამართავს. ორკესტრისთვის მუსიკოსების რეგიონის 7 ქვეყნიდან შეირჩა. კლასიკური მუსიკის საერთაშორისო ფესტივალი 2019 წელს კომპანია სილქნეტის მხარდაჭერით დაარსდა და ყოველ წელს შემოდგომაზე წინანდლის ისტორიულ მამულში იმართება.

„ჩვენ გვაქვს პატივი რომ წელს პირველად ფინანსურად მივიღოთ მონაწილეობა ფესტივალში ერთ კონკრეტულ კომპონენტში, ეს გახლავთ ახალგაზრდული მიმართულება, ეს არის პანკავკასიური ახალგაზრდული ორკესტრი. მე მინდა მივულოცო ფესტივალში დაბრუნება ახალგაზრდებს, რომლებთან შეხვედრის სიხარული დღეს მე პირველად მექნება. როდესაც ჩვენ ვამბობთ, რომ ორკესტრში არიან სომეხი მუსიკოსები და თურქი მუსიკოსები, აღარაფრის დამატება აღარ არის საჭირო. როდესაც სხვადასხვა ქვეყნის მუსიკოსები ერთად უკრავენ ორკესტრში და ქმნიან ჰარმონიას ამაზე მეტი რა შეიძლება გააკეთოს ერთმა ფესტივალმა?! მაგრამ ფესტივალი აკეთებს კიდევ უფრო მეტს და მაგალითისთვის ხსნის ამ გამოფენას“, - კულტურის, სპორტისა და ახალგაზრდობის მინისტრი - თეა წულუკიანი.

მირონ შველიძის ნამუშევრები ფართო საზოგადოებისთვის პირველად გამოიფინა მხატვრის გარდაცვალების შემდეგ. მირონ შველიძის უნიკალურმა ვიზუალურმა ენამ თანამედროვე თეატრის სახე განსაზღვრა და კონცეპტუალური სცენოგრაფიის პრინციპებს ჩაუყარა საფუძველი. წინანდლის მამულის საგამოფენო სივრცეში მირონ შველიძის სცენოგრაფიული ელემენტები დროებით დამოუკიდებელი პერსონაჟის, მთავარი გმირის სტატუსს იძენენ და იწყებენ თამაშს დროსა და სივრცესთან.

წარმოდგენილი არტეფაქტები, რომელშიც აკუმულირებულია ისტორია, ენერგია, მეხსიერება, გვაკავშირებენ არა მარტო იმ დროსთან, სახელებთან, ადგილთან, გამოცდილებასთან, არამედ თავად ავტორთან - მირიან შველიძესთან, რომელმაც ქართულ თეატრში ეპოქა შექმნა.

გამოფენის ორგანიზატორიაწინანდლის მამული“.

ალექსანდრე ჭავჭავაძის სახლ-მუზეუმი და მიმდებარე ტერიტორია 2007 წლიდან კომპანია სილქ როუდ ჯგუფის პატრონაჟის ქვეშაა. 2007 წლიდან დღემდე, კომპანიის მხარდაჭერით, მუზეუმმა უმასპინძლა არაერთ მნიშვნელოვან საერთაშორისო გამოფენასა და კულტურულ ღონისძიებას. 2019 წელს წინანდალში დაარსდა კლასიკური მუსიკის საერთაშორისო ფესტივალი, რომელშიც მონაწილეობა მსოფლიოში აღიარებულმა ვარსკვლავებმა მიიღეს.

წინანდლის მამული, ტრადიციების და ინოვაციების ნატიფი შერწყმის თვალსაჩინო მაგალითია და კულტურის გამორჩეულ კერას წარმოადგენს თანამედროვე საქართველოში.

(R)

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს