ირაკლი კობახიძე კითხვაზე, „ოცნების“ ინტერესი ხომ არ იყო, რომ რუსეთს არ გაეგო „ღირსეული პარტნიორის“ სწავლებაზე - დავიმალებოდით და ისე ჩავატარებდით ამ წვრთნებს? რუსეთი ხომ ყველა ვარიანტში იღებს ამ ინფორმაციას

წელს არის ომის მდგომარეობა რეგიონში, შეიძლება ამან განაპირობა წვრთნებთან დაკავშირებით ფორმატის ცვლილება, - ასე პასუხობს პარტია "ქართული ოცნების" თავმჯდომარე ირაკლი კობახიძე კითხვას, რატომ ჩატარდა წელს "ღირსეული პარტნიორის" სწავლება ისე, რომ მედიას არ ჰქონდა ინფორმაცია, განსხვავებით წინა წლებისგან, როცა გახსნა ყოველთვის იყო პომპეზური.

კობახიძის თქმით, მას არ აქვს ინფორმაცია, თუმცა, ეს შეიძლება იყოს დაკავშირებული უკრაინაში რუსეთის ომთან.

"ნებისმიერ დროს, როცა წვრთნები იგეგმება, თითოეული ღონისძიება, რაც დაკავშირებულია მასთან, თანხმდება პარტნიორებთან, ეს, რა თქმა უნდა, შეთანხმების საგანი იყო, ცალმხრივად არაფერი წყდება, თავიდან ბოლომდე თანხმდება ფორმატი პარტნიორებთან. გარკვეული ფორმატი შეთანხმდა, შეიძლება იყოს უსაფრთხოების ინტერესები და ა.შ. წელს ხომ განსხვავებული ვითარება გვაქვს, წელს არის ომის მდგომარეობა რეგიონში, შეიძლება ამან განაპირობა ფორმატის ცვლილება, რაც განხორციელდა შეთანხმებით. ის ომი, რომელსაც აწარმოებს რუსეთი უკრაინაში, შეიძლება ყოფილიყო ერთ-ერთი ფაქტორი მხარეებისთვის, როცა ეს გადაწყვეტილება მიიღეს",- განაცხადა კობახიძემ.

კითხვაზე, ხომ არ არის ეს არგაღიზიანების პოლიტიკის გაგრძელება ან "ქართული ოცნების" ინტერესი ხომ არ იყო, რომ რუსეთს არ გაეგო ამ წვრთნების თაობაზე, კობახიძე პასუხობს - "დავიმალებოდით და ისე ჩავატარებდით ამ წვრთნებს? რუსეთი ხომ ყველა ვარიანტში იღებს ამ ინფორმაციას".

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება