სოციალურად დაუცველ სტუდენტებთან ერთად, სწავლის დაფინანსებას მრავალშვილიანი ოჯახის წევრი და შშმ სტუდენტებიც მიიღებენ

სოციალურად დაუცველ სტუდენტებთან ერთად, სწავლის დაფინანსებას მრავალშვილიანი ოჯახის წევრი და შშმ სტუდენტებიც მიიღებენ. თბილისის საკრებულოს წევრმა გიორგი ჩაკვეტაძემ სტუდენტებისათვის სწავლის დაფინანსების 2022 წელს განახლებულ პროგრამაზე ისაუბრა. როგორც გიორგი ჩაკვეტაძემ განაცხადა, წინა წლებისგან განსხვავებით, 2022-2023 სასწავლო წლის შემოდგომის სემესტრზე სოციალურად დაუცველ სტუდენტებთან ერთად სწავლის საფასური მრავალშვილიანი ოჯახის წევრ და შეზღუდული შესაძლებლობის სტატუსის მქონე სტუდენტებსაც დაუფინანსდებათ.

დაფინანსებით ისარგებლებენ ბაკალავრიატის, მაგისტრატურისა და დოქტორანტურის სტუდენტები, რომლის ოდენობაც დამოკიდებული იქნება აკადემიურ მოსწრებაზე.

„მნიშვნელოვანია, რომ უფრო მეტი სტუდენტი შეძლებს სწავლის დაფინანსების მიღებას. მინდა, თითოეულ ადამიანს, თბილისის მერიის საქალაქო სამსახურის თანამშრომლებს, დედაქალაქის მერს, ყველას, ვისი ინიციატივითაც ეს ცვლილება წელს განხორციელდა მადლობა გადავუხადო“,-აღნიშნა გიორგი ჩაკვეტაძემ საკრებულოს სხდომაზე.

მისივე თქმით, დაფინანსების მიღებას პირველკურსელებიც შეძლებენ. განცხადებების მიღება 30 ნოემბრამდე გაგრძელდება.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა