ქედის მუნიციპალიტეტსა და ქალაქ ბარდოს კომუნას შორის პარტნიორული თანამშრომლობის შესახებ შეთანხმება გაფორმდა

ქედის მუნიციპალიტეტსა და ქალაქ ბარდოს კომუნას შორის პარტნიორული თანამშრომლობის შესახებ შეთანხმება გაფორმდა. აჭარის უმაღლესი საბჭოს ინფორმაციით, დოკუმენტზე ხელმოწერის ღონისძიებას, ქალაქ ბარდოს კომუნაში, აჭარის დელეგაცია, უმაღლესი საბჭოს თავმჯდომარის დავით გაბაიძის ხელმძღვანელობით ესწრებოდა. ქართული მხარე პოლონეთში, კარპაჩის 31-ე ეკონომიკურ ფორუმში მონაწილეობდა.

ხელმოწერამდე შეთანხმება, ბარდოს კომუნის საბჭოს სხდომაზე კანონმდებლებმა ერთხმად დაამტკიცეს. სხდომას აჭარის დელეგაციის წევრებიც ესწრებოდნენ.

6-მუხლიანი დოკუმენტი, რომელსაც ბარდოს და ქედის მერებმა - კრიშტოფ ჟეგანსკიმ და როლანდ ბერიძემ მოაწერეს ხელი, პოლონეთისა და საქართველოს ადგილობრივ თვითმმართველობებს შორის მეგობრობისა და თანამშრომლობის გაძლიერების მიზნით გამოცდილების გაზიარებას, თვითმმართველობის განვითარების ხელშეწყობას, ევროკავშირის ფონდებიდან, კომუნალური და საერთაშორისო პროგრამებიდან რესურსების გამოყენებას, ტურიზმის, საგანმანათლებლო, კულტურულ და სხვა სფეროებში აქტიურ თანამშრომლობას ითვალისწინებს. ამასთან, მხარეებს შორის პერიოდულად გაიმართება ორმხრივი შეხვედრები.

ქვემო სილეზიის სავოევოდოსა და აჭარას შორის თანამშრომლობის დოკუმენტს 2011 წელს მოეწერა ხელი, რის საფუძველძეც, გაფორმდა შეთანხმება აჭარის უმაღლეს საბჭოსა და სილეზიის სავოევოდოს სეიმიკს შორის. ორ საკანონმდებლო ორგანოს მჭიდრო მეგობრული და პარტნიორული ურთიერთობები აისახა რეგიონების დონეზე ადგილობრივ თვითმმართველობების თანამშრომლობაზე და ბათუმის, შუახევისა და ქობულეთის მუნიციპალიტეტების შემდეგ, ქედა რიგით მეოთხეა, რომელთანაც პოლონურმა მხარემ შეთანხმება გააფორმა.

ალექსანდრე თვალჭრელიძე - თუ პრემიერი ფიქრობს, რომ რუსეთთან ეკონომიკური ურთიერთობების შენელება ცუდია საქართველოსთვის, იგი ცდება
ქართული პრესის მიმოხილვა 29.05.2023
სტეპან გრიგორიანი - თუ აზერბაიჯან-სომხეთს შორის ურთიერთობები დალაგდა, ევროპასთან ჩინეთის დამაკავშირებელი რკინიგზის პროექტში სომხეთი იქნება გათვალისწინებული, მანამდე კი ამ თემაზე საუბარი შეუძლებელია
PSP გილოცავთ საქართველოს დამოუკიდებლობის დღეს
„იდეა დეველოპმენტი“ კიდევ ერთი პროექტის სამშენებლო სამუშაოების დასრულებას აანონსებს