გორის მუნიციპალიტეტის მერიის ინფორმაციით, სოფელ ატენში საუბნო გზები იხრეშება

გორის მუნიციპალიტეტის მერიის ინფორმაციით, სოფელ ატენში საუბნო გზები იხრეშება.

მათივე ცნობით, სამუშაოები „სოფლის მხარდაჭერის პროგრამის“ ფარგლებში მიმდინარეობს. სარეაბილიტაციო მონაკვეთების სიგრძე ჯამში 1 000 მეტრია.

„2022 წელს გორის მუნიციპალიტეტში „სოფლის მხარდაჭერის პროგრამის“ ფარგლებში სამუშაოები 112 სოფელში განხორციელდება. პროექტები ადგილობრივებმა ხმათა უმრავლესობით შეარჩიეს. თითოეულ სოფელში მცირე ინფრასტრუქტურული პროექტების ღირებულება 10 000-დან 20 000 ლარამდეა.

პროგრამის ფარგლებში, გორის მუნიციპალიტეტში ჯამში, 1 596 000 ლარი დაიხარჯება.

სოფლის მხარდაჭერის პროგრამა საქართველოს რეგიონებში განსახორციელებელი პროექტების ფონდიდან ფინანსდება.

გორის მუნიციპალიტეტის სოფლებში „სოფლის მხარდაჭერის პროგრამის" ფარგლებში განსახორციელებელი პროექტები იხილეთ ბმულზე - https://docs.google.com/.../18Xzs2z0QhGPO2uWFBJix.../edit...,“ - აღნიშნულია გავრცელებულ ინფორმაციაში.