ირაკლი კობახიძის განცხადებით, შესაძლოა, არჩევნები დიდ უბნებზე ელექტრონული წესით ჩატარდეს, მცირე უბნებზე კი არა

„ქართული ოცნების“ თავმჯდომარის, ირაკლი კობახიძის განცხადებით, შესაძლოა, არჩევნები დიდ უბნებზე ელექტრონული წესით ჩატარდეს, მცირე უბნებზე კი არა.

როგორც კობახიძემ ბრიფინგზე განმარტა, არჩევნების ელექტრონულად ჩატარების ინიციატივის შემდეგ, 10% და 20%-ზე კითხვები მოიხსნება.

„ჩვენ რატომ ვამბობთ 70%-ს, სავარაუდოდ, ბევრად მეტი იქნება, 80%-90%, მაგრამ იქნება მცირე საარჩევნო უბნები, სადაც აპარატურის დანერგვა უბრალოდ ხარჯეფექტიანიც არ არის. არამარტო საზღვარგარეთ, საქართველოშიც არის 30 ამომრჩევლისგან შემდგარი უბნები. იქ არ არის რაციონალური ელექტრონული აპარატურის დანერგვა, მითუმეტეს, რომ ამომრჩეველთა რაოდენობა მთლიანობაში არის ძალიან მცირე. დაახლოებით 10%-ზე იქნება რეალურად საუბარი. როგორც კი 70%-80%-90%-ში დაინერგება ეს აპარატურა, ბუნებრივია, 10% და 20%-ზე კითხვები მოიხსნება. რაც შეეხება საზღვარგარეთ უბნებს, იქ ხშირად 10-20 კაცი აძლევს ხმას უბანზე, იქაც შეიძლება ამის გაკეთება, თუმცა, რამდენად ხარჯეფექტიანი იქნება იქ აპარატურის ჩატანა, როდესაც ამომრჩეველთა რაოდენობა დიდი არ არის... ვნახოთ, ბუნებრივია, ყველაფერზე იქნება მსჯელობა. დიდ უბნებზე შეიძლება ჩატარდეს ელექტრონული წესით, მცირე უბნებზე კი არა“,-განაცხადა კობახიძემ.

ამასთან, კობახიძემ აღნიშნა, რომ „აქ საქმე არ ეხება დისტანციურად, სახლიდან ხმის მიცემას“. კობახიძის განცხადებით, დისტანციური ხმის მიცემის საკითხი, მათ შორის ქართული დიასპორის წარმომადგენლების შემთხვევაში, დიდ რისკებთანაა დაკავშირებული. კობახიძე განმარტავს, რომ არჩევნების ელექტრონულად ჩატარების ინიციატივა საარჩევნო უბნებზე კენჭისყრაში აპარატურის მეშვეობით მონაწილეობას გულისხმობს, დისტანციურად ხმის მიცემის თაობაზე კი რისკები უნდა იყოს აწონილ-დაწონილი.

„აქ საქმე არ ეხება დისტანციურად, სახლიდან ხმის მიცემას. საქმე ეხება საარჩევნო უბნებზე ხმის მიცემის აპარატურის მეშვეობით კენჭისყრაში მონაწილეობას. რაც შეეხება დისტანციურ ხმის მიცემას, ეს უამრავ რისკთანაა დაკავშირებული. ყველაზე მსხვილი დიასპორა რუსეთში გვყავს, იქ დისტანციურად ხმის მიცემის პროცედურის დაშვება დიდ რისკებთანაა დაკავშირებული. აქედან გამომდინარე, ყველა რისკი აწონ-დაწონილი უნდა იყოს“,- განაცხადა ირაკლი კობახიძემ.

ცნობისთვის, „ქართული ოცნება" საქართველოში არჩევნების ელექტრონულად ჩატარების ინიციატივით გამოდის. შესაბამისი განცხადება პარტიის ოფისში გამართულ ბრიფინგზე „ქართული ოცნების“ თავმჯდომარე ირაკლი კობახიძემ გააკეთა. მისი თქმით, აღნიშნული გადაწყვეტილება იქნება საარჩევნო რეფორმის ერთ-ერთი უმნიშვნელოვანესი შემადგენელი ნაწილი, რომელიც არჩევნების შედეგების გარშემო მანიპულირების პრობლემას მინიმუმამდე შეამცირებს. ინიციატივის თანახმად, საარჩევნო უბნების უმრავლესობაში, მათ შორის ყველა ქალაქსა და მსხვილ დასახლებულ პუნქტში, რაც ამომრჩეველთა სულ მცირე 70 პროცენტს მოიცავს, ამომრჩეველთა რეგისტრაცია და ხმის მიცემა ელექტრონული აპარატურის გამოყენებით განხორციელდება.

ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს