პოლიტიკურ სცენას ცირკად ვერ ვაქცევთ,- ასე ეხმიანება იურიდიულ საკითხთა კომიტეტის თავმჯდომარე ანრი ოხანაშვილი "ლელოს" ინიციატივას საგამოძიებო კომისიის შექმნის თაობაზე.

ანრი ოხანაშვილის თქმით, ოპოზიციას აქვს საკმარისი რესურსი, რომ საგამოძოებო კომისია შექმნას.

"ჩვენ ჭორაობაში მონაწილეობას ვერ მივიღებთ. რაც ობიექტურად არ ქმნის სარწმუნო საფუძველს ამაზე პოლიტიკურ სცენას ცირკად ვერ ვაქცევთ. ოპოზიციას აქვს იმის რესურსი, რომ მათ შექმნან შესაბამისი საგამოძიებო კომისია. მიიღონ გადაწყვეტილება და დაუჭირონ მხარი ერთმანეთს, შექმნან ასეთი კომისია თუ სურვილი აქვთ",- განაცხადა ოხანაშვილმა.

ცნობისათვის, "ლელო" საქართველოს ხელისუფლებისა და რუსეთის კავშირების დასადგენად საგამოძიებო კომისიის შექმნის მიზნით ხელმოწერების შეგროვებას იწყებს. „ლელოს“ ცნობით, წინასწარი კონსულტაციების შედეგად, საგამოძიებო კომისიის შექმნას ჯამში 53 დეპუტატი უჭერს მხარს, რაც მისი შექმნისთვის საკმარისია. ცნობილია, რომ ინიციატივას საგამოძიებო კომისიის შექმნის თაობაზე მხარს "ერთიანი ნაციონალური მოძრაობა"," სტრატეგია აღმშენებელი," პარტია "საქართველოსთვის", "გირჩი" და დამოუკიდებელი დეპუტატები დაუჭერენ.