აზერბაიჯანის რესპუბლიკა გამოხატავს ერთგულებას საერთაშორისო ჰუმანიტარული სამართლისა და ჰუმანიზმის ღირებულებებისადმი, სომხეთს ცეცხლის შეწყვეტისკენ მოუწოდებს და აცხადებს, რომ მზადაა 100-მდე სომეხი ჯარისკაცის ცხედრის გადასაცემად, - აზერბაიჯანული მედიის ინფორმაციით, ამის შესახებ სამხედრო ტყვეების, მძევლებისა და უგზო-უკვლოდ დაკარგულთა სახელმწიფო კომისიაში განაცხადეს.

მათივე განცხადებით, აღნიშნული სამხედრო მოსამსახურეები მაშინ დაიღუპნენ, როდესაც აზერბაიჯანმა 12-13 სექტემბერს „ქვეყნის ტერიტორიული მთლიანობის წინააღმდეგ პროვოკაცია აღკვეთა“.

„ამასთან დაკავშირებით ინფორმირებულია წითელი ნახევარმთვარის საერთაშორისო კომიტეტიც“, - აცხადებენ უწყებაში.

შეგახსენებთ, რომ აზერბაიჯანი-სომხეთის საზღვარზე შეტაკებები მოხდა. სომხეთის ხელისუფლებაში აცხადებენ, რომ მათი მხრიდან დაღუპულია 49 ადამიანი. აზერბაიჯანი კი აცხადებს, რომ შეტაკებებს მათი 50 სამხედრო ემსხვერპლა.