აჭარის უმაღლესი საბჭოს საფინანსო-საბიუჯეტო და ეკონომიკურ საკითხთა კომიტეტის სხდომაზე, 2022 წლის რესპუბლიკური ბიუჯეტის ორი კვარტლის შესრულება მიმოიხილეს

აჭარის უმაღლესი საბჭოს საფინანსო-საბიუჯეტო და ეკონომიკურ საკითხთა კომიტეტის სხდომაზე, დღის წესრიგის პირველ საკითხად 2022 წლის რესპუბლიკური ბიუჯეტის ორი კვარტლის შესრულება მიმოიხილეს. ინფორმაციას ამის შესახებ აჭარის უმაღლესი საბჭო ავრცელებს.

მათივე ცნობით, შესაბამისი მოხსენება ფინანსთა და ეკონომიკის მინისტრმა წარმოადგინა.

როგორც ჯაბა ფუტკარაძემ აღნიშნა, 2021 წლის რესპუბლიკური ბიუჯეტის ორი კვარტლის შემოსულობები 209 246 300 ლარია. დაზუსტებული გეგმა 192 198 700 ლარით განისაზღვრა, რაც 108,9 პროცენტით შესრულდა. ბიუჯეტი საშემოსავლო გადასახადის ნაწილში 116,8, ხოლო სხვა შემოსავლების გეგმა 100,6 პროცენტითაა შესრულებული.

„საბიუჯეტო პარამეტრების გარდა, მინისტრმა ყურადღება რეგიონისთვის უმნიშვნელოვანეს საინვესტიციო, ინფრასტრუქტურულ პროექტებზე გაამახვილა. კომიტეტის წევრთა შეკითხვებს უპასუხა და აღნიშნა, რომ სამეურნეო წლის ბოლომდე ბიუჯეტი ყველა კომპონეტში სრულად იქნება ათვისებული.

კომიტეტმა წარმოდგენილი მიმოხილვა ცნობად მიიღო.

სხდომაზე პეტიცია – „ხელვაჩაურის მუნიციპალიტეტის სოფელ ერგეში საბავშვო ბაღის მშენებლობის თაობაზე“ (პეტიციის ავტორი: ალექსანდრე ლორთქიფანიძე) საფინანსო–საბიუჯეტო და ეკონომიკურ საკითხთა კომიტეტის თავმჯდომარემ, მარინე გვიანიძემ წარმოადგინა. პეტიციას 212 მოქალაქე აწერს ხელს.

ავტორთან ერთად დეტალებზე მსჯელობის შემდეგ, კომიტეტის გადაწყვეტილებით, პეტიცია მოსაზრებებისთვის აჭარის მთავრობასა და ხელვაჩაურის მუნიციპალიტეტს გადაეგზავნება,“ - აღნიშნულია გავრცელებულ ინფორმაციაში.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა