მარნეულის მუნიციპალიტეტის კულტურის ცენტრში თოჯინური სპექტაკლის - „ლუნა და ციცინათელების პლანეტა" პრემიერა გაიმართა.

მარნეულის მერიის ინფორმაციით, სპექტაკლი მომზადდა პროგრამის „ქალებისა და გოგოების მიმართ ძალადობის წინააღმდეგ საქართველოში” ფარგლებში, რომელიც ერთობლივად ხორციელდება გაეროს მოსახლეობის ფონდის (UNFPA) და გაეროს ქალთა ორგანიზაციის (UN Women) მიერ, ევროკავშირის (EU) ფინანსური მხარდაჭერით.

პროექტის მხარდამჭერია მარნეულის მუნიციპალიტეტის მერია და კულტურის ცენტრი.

აღსანიშნავია, რომ სპექტაკლის ჩვენება მარნეულის მუნიციპალიტეტის სოფლებში ქართულ, აზერბაიჯანულ და სომხურ ენებზე გაიმართება.

პრემიერას მარნეულის მუნიციპალიტეტის მერის მოადგილე თემურ შუბითიძე, მერიის სტრუქტურული ერთეულების ხელმძღვანელებთან ერთად, დაესწრო.