რუსმა ოკუპანტებმა წუხელ ზაპოროჟიეზე სარაკეტო თავდასხმა განახორციელეს, - ამის შესახებ ზაპოროჟიეს რეგიონალური სამხედრო ადმინისტრაციის ხელმძღვანელი, ალექსანდრ სტარუხი იუწყება.

"მტერმა მორიგი სარაკეტო იერიში მიიტანა საოლქო ცენტრზე. ცნობილია რვა "ჩამოფრენის“ შესახებ. სამიზნე კვლავ ინფრასტრუქტურული ობიექტები იყო", - წერს სტარუხი.

მისივე ინფორმაციით, დაზარალებულების შესახებ ინფორმაცია ზუსტდება.

ამასთან, ზაპოროჟიეს მერის მოვალეობის შემსრულებელმა ანატოლი კურტევმა განაცხადა, რომ წინასწარი მონაცემებით, ოკუპანტებმა ორ ინფრასტრუქტურულ ობიექტს დაარტყეს.