ჯო ბაიდენის განცხადებით, ჩინეთის თავდასხმის შემთხვევაში აშშ ტაივანს დაიცავს
აშშ-ის პრეზიდენტის, ჯო ბაიდენის განცხადებით, ჩინეთის მხრიდან “უპრეცედენტო თავდასხმის” შემთხვევაში აშშ ტაივანს დაიცავს.
CBS-ის ინტერვიუში კითხვაზე, ნიშნავს თუ არა ეს, რომ აშშ-ის ძალები ტაივანს დაიცავენ, ჯო ბაიდენმა უპასუხა, „დიახ, დაიცავენ“.
“არსებობს ერთი ჩინეთის პოლიტიკა და ტაივანი საკუთარ დამოუკიდებლობაზე გადაწყვეტილებას თავად იღებს. ჩვენ არ ვახალისებთ მათ დამოუკიდებლობას - ეს მათი გადაწყვეტილებაა”, - აღნიშნა ბაიდენმა.
პრეზიდენტის ინტერვიუს ეთერში გასვლის შემდეგ თეთრმა სახლმა განცხადება გაავრცელა, სადაც აღნიშნულია, რომ ტაივანის მიმართ აშშ-ის პოლიტიკა არ შეცვლილა.
“პრეზიდენტმა ეს ადრეც თქვა, მათ შორის ტოკიოში მიმდინარე წლის დასაწყისში. მან ასევე ცხადყო, რომ ტაივანის მიმართ ჩვენი პოლიტიკა არ შეცვლილა”, - აღნიშნულია თეთრი სახლის განცხადებაში.
This is a modal window.
v-if="article.gallery" v-html="article.gallery"
